ഉധംപൂര്: ബൈശാഖി ആഘോഷത്തിനിടെ നടപ്പാലം തകര്ന്ന് വീണ് നിരവധിപ്പേര്ക്ക് പരിക്ക്. ജമ്മു കശ്മീരിലെ ഉധംപൂര് ജില്ലയിലാണ് ബൈശാഖി ആഘോഷങ്ങള്ക്കിടെ ദുരന്തമുണ്ടായത്. ബെയിന് ഗ്രാമത്തിലെ ബേനി സംഗത്തിലെ നടപ്പാലമാണ് തകര്ന്നത്. എണ്പതോളം പേര്ക്ക് പരിക്കേറ്റതായാണ് പുറത്ത് വരുന്ന റിപ്പോര്ട്ടുകള്. പരിക്കേറ്റവരില് നിരവധിപ്പേര് കുട്ടികളാണ്. നിരവധി ആളുകള് നടപ്പാലത്തില് ഒന്നിച്ച് കൂടിയതാണ് അപകടമുണ്ടാവാന് കാരണമെന്നാണ് അധികൃതര് വിശദമാക്കുന്നത്.
ഇരുമ്പ് നിര്മ്മിത പാലത്തിനടയിലും നിരവധിപ്പേര് കുടുങ്ങിക്കിടക്കുന്നതായാണ് റിപ്പോര്ട്ട്. പരിക്കേറ്റവരുടെ എണ്ണം ഇനിയും കൂടുമെന്നാണ് ചെനാനി മുന്സിപ്പാലിറ്റി ചെയര്മാന് മണിക് ഗുപ്ത വാര്ത്താ ഏജന്സിയോട് വിശദമാക്കിയത്. പോലീസും ദൌത്യ സേനയും സ്ഥലത്തെത്തി രക്ഷാ പ്രവര്ത്തനത്തിന് നേതൃത്വം നല്കിയത്.
