ഡല്ഹി: മുതിര്ന്ന ബിജെപി നേതാവും മുന് ഉപപ്രധാനമന്ത്രിയുമായ എല്.കെ. അദ്വാനിക്ക് രാജ്യത്തെ പരമോന്നത ബഹുമതിയായ ഭാരതരത്ന പ്രഖ്യാപിച്ചു. ശനിയാഴ്ച എക്സിലൂടെ പ്രധാനമന്ത്രി നരേന്ദ്രമോദിയാണ് ഈ വാര്ത്ത ലോകത്തോട് പങ്കുവെച്ചത്. ദിവസങ്ങള്ക്കുമുമ്പ് സോഷ്യലിസ്റ്റ് നേതാവും മുന് ബിഹാര് മുഖ്യമന്ത്രിയുമായ കര്പൂരി ഠാക്കൂറിന് മരണാനന്തര ബഹുമതിയായി ഭാരതരത്ന പ്രഖ്യാപിച്ചിരുന്നു.
1954 മുതലാണ് ഭാരതരത്ന നല്കിത്തുടങ്ങിയത്. കല, ശാസ്ത്രം, സാഹിത്യം, രാഷ്ട്രീയം തുടങ്ങി വിവിധ മേഖലകളില് അനിതരസാധരണമായ സംഭാവനകള് നല്കിയിട്ടുള്ളവര്ക്കാണ് ഭാരതരത്ന നല്കുന്നത്. രാജ്യത്ത് ഇതുവരെ 50 പേര്ക്കാണ് ഭാരതരത്ന നല്കിയിട്ടുള്ളത്. ഇതില് 15 പേര്ക്കും മരണാനന്തര ബഹുമതിയായാണ് ഭാരതരത്ന നല്കിയത്. പുരസ്കാരം ലഭിച്ചവരില് രണ്ട് പേര് വിദേശികള്.
