കൊച്ചി : കൊവിഡ് 19 ന്റെ സമൂഹവ്യാപനം തടയുന്നതിന്റെ ഭാഗമായി കേരളത്തിലെ സ്വര്ണ വ്യാപാര സ്ഥാപനങ്ങള് 25 വരെ അടച്ചിടും. ഓള് കേരള ഗോള്ഡ് ആന്ഡ് സില്വര് മര്ച്ചന്റ്സ് അസോസിയേഷന് സംസ്ഥാന പ്രസിഡന്റ് ഡോ. ബി. ഗോവിന്ദന്, ജനറല് സെക്രട്ടറി കെ. സുരേന്ദ്രന്, ട്രഷറര് അഡ്വ. എസ്. അബ്ദുല് നാസര് എന്നിവരാണ് ഇക്കാര്യം അറിയിച്ചത്.
അതേസമയം കേരളത്തില് 12 പേര്ക്കു കൂടി കൊറോണ വൈറസ് ബാധ (കോവിഡ് 19) സ്ഥിരീകരിച്ചു. കാസര്ഗോഡ് ജില്ലയില് 6 പേരും കണ്ണൂര്, എറണാകുളം ജില്ലകളില് 3 പേര് വീതവുമാണ് പുതിയ രോഗികള്. എല്ലാവരും ഗള്ഫില് നിന്നു വന്നവര്. ഇതോടെ കേരളത്തിലെ രോഗബാധിതര് 52 ആയി. ഇതില് 3 പേര് രോഗമുക്തരായി. ഇപ്പോള് ചികിത്സയിലുള്ളത് 49 പേരാണുള്ളത് .
