കൊറോണ വൈറസ് വ്യാപിച്ചതോടെ ഇന്ത്യയിലെ മിക്ക കമ്പനികളും വർക്ക് ഫ്രം ഹോം എന്ന രീതിയിലേക്ക് ജോലികൾ മാറ്റി ക്രമീകരിച്ചുകൊണ്ടിരിക്കുകയാണ്. ഈയൊരു സാഹചര്യത്തിൽ ഉപയോക്താക്കൾക്ക് കൂടുതൽ ഡാറ്റ ഉറപ്പാക്കാനുള്ള ശ്രമത്തിലാണ് മുകേഷ് അംബാനിയുടെ നേതൃത്വത്തിലുള്ള ടെലികോം കമ്പനിയായ റിലയൻസ് ജിയോ. തങ്ങളുടെ ഡാറ്റ പ്ലാനുകൾ പരിഷ്കരിച്ച ജിയോ 4ജി ഡാറ്റ വൗച്ചറുകളിൽ ഇരട്ടി ഡാറ്റയും കൂടുതൽ സംസാര സമയവും ആണ് നൽകുന്നത്.
11 രൂപയുടെയും 21 രൂപയുടെയും 51 രൂപയുടെയും 101 രൂപയുടെയും 4ജി ഡാറ്റ വൗച്ചറുകളിലാണ് ജിയോ പുതിയ പരിഷ്കാരങ്ങൾ നടപ്പിലാക്കിയത്. കോവിഡ്-19 വ്യാപനത്തെത്തുടർന്ന് കൂടുതൽ ആളുകൾ വീട്ടിലിരുന്ന് ജോലി ചെയ്യാൻ ആരംഭിച്ചതോടെ ഇന്റർനെറ്റ് ഉപയോഗം വർധിച്ചതിന്റെ അടിസ്ഥാനത്തിലാണ് പുതിയ ഓഫറുകൾ ജിയോ നടപ്പിലാക്കുന്നത്. 11 രൂപയുടെയും 21 രൂപയുടെയും 51 രൂപയുടെയും 101 രൂപയുടെയും 4ജി ഡാറ്റ പ്ലാനുകളിലാണ് ഇരട്ടി ഡാറ്റ അനുവദിച്ചിട്ടുള്ളത്.
കൂടുതൽ കമ്പനികൾ ജീവനക്കാരോട് വീട്ടിൽ നിന്നും ജോലി ചെയ്യാൻ ആവശ്യപ്പെടാൻ ആരംഭിച്ചതോടെ കൂടുതൽ ഡാറ്റ എല്ലാവർക്കും ആവശ്യമായി വരുന്നതായി മനസിലാക്കുന്നു. തടസമില്ലാതെ അധികം ചിലവില്ലാതെ മികച്ച ഡാറ്റ യൂസർമാർക്കായി നൽകാനായാണ് തങ്ങളുടെ വൗച്ചറുകൾ റിവൈസ് ചെയ്യുന്നത് എന്ന് ജിയോ ഒരു പ്രസ്താവനയിൽ അറിയിച്ചു.
ഇതുവരെ 400 എംബി ഡാറ്റ ലഭിച്ചിരുന്ന റിലയൻസ് ജിയോയുടെ 11 രൂപയുടെ ഡാറ്റാ വൗച്ചര് പ്ലാനില് ഇനി മുതൽ 800 എംബി 4ജി ഡാറ്റയും മറ്റ് നെറ്റ് വർക്കുകളിലേക്ക് 75 മിനിട്ട് സംസാര സമയവും ലഭിക്കും. നിലവിലുള്ള പ്ലാനിന്റെ കാലാവധിയാകും ഉണ്ടാകുക.
ജിയോ 21 രൂപ പാക്കിൽ ഇനി മുതൽ 2 ജിബി ഡാറ്റയാണ് ലഭിക്കുക. നേരത്തെ 21 രൂപയ്ക്ക് ചാര്ജ് ചെയ്താല് ഒരു ജിബി ഡാറ്റ ആയിരുന്നു ലഭിച്ചിരുന്നത്. മറ്റ് നെറ്റ് വര്ക്കുകളിലേയ്ക്ക് 200 മിനിട്ട് സംസാര സമയവും ലഭിക്കും. വീട്ടിലുരുന്ന് ജോലി ചെയ്യാന് കൂടുതല് പേര് തയ്യാറാകുന്നതിന്റെ ഭാഗമായാണ് കൂടുതല് ഡാറ്റ നല്കാന് ജിയോ തീരുമാനിച്ചത്.
51 രൂപയുടെ പ്ലാന് പ്രകാരം നേരത്തെ ലഭിച്ചിരുന്ന 3 ജിബിക്കുപകരം ഇനിമുതൽ 6 ജിബി ഡാറ്റ ലഭിക്കും. 500 മിനിട്ടാണ് സംസാര സമയം. നിലവിലുള്ള പ്ലാനിന്റെ കാലാവധിയാകും ഉണ്ടാകുക. 101 രൂപ ചാര്ജ് ചെയ്താല് നേരത്തെയുള്ള 6 ജിബി ഡാറ്റയ്ക്ക് പകരം 12 ജിബി ഡാറ്റ ലഭിക്കും. 1000 മിനുട്ട് സംസാരസമയവും ഉണ്ടാകും.
ഈ ഡാറ്റ വൗച്ചറുകളുടെയെല്ലാം പരിധി കഴിഞ്ഞതിന് ശേഷം ഇന്റർനെറ്റിന്റെ വേഗത 64 കെബിപിഎസായി കുറയും. മറ്റ് ജിയോ പ്ലാനുകളെപ്പോലെ ഡാറ്റ വൌച്ചറുകൾക്കൊപ്പവും അധിക ആനുകൂല്യമായി എല്ലാ ജിയോ അപ്ലിക്കേഷനുകളിലേക്ക് സൌജന്യ ആക്സസ് ലഭ്യമാണ്. പ്ലാനിനൊപ്പം ഫ്രീ എസ്എംഎസ് ജിയോ ട്യൂൺ പോലുള്ള മറ്റ് ആനുകൂല്യങ്ങൾ കമ്പനി നൽകുന്നില്ല. ജിയോ ഈയടുത്ത ഡാറ്റ പ്ലാനുകൾക്ക് ചാർജ് വർധിപ്പിച്ചിരുന്നു. ആഡ്-ഓൺ പാക്കുകൾക്ക് വില കുറയുന്നത് ഉപയോക്താക്കൾക്ക് ഒരു പരിധി വരെ ആശ്വാസമാകും.
ക്രിക്കറ്റ് പാക്കായി ലഭ്യമായിരുന്ന 251 രൂപയുടെ 51 ദിവസ പ്ലാൻ ജിയോ നിലനിർത്തിയിട്ടുണ്ട്. ജിയോയുടെ ജനപ്രിയ ഡാറ്റ വൗച്ചറായ 251 രൂപയുടെ പ്ലാനിലൂടെ ഉപയോക്താക്കൾക്ക് പ്രതിദിനം 2 ജിബി ഡാറ്റ ലഭിക്കും. പക്ഷേ കോളിംഗ്, എസ്എംഎസ് ആനുകൂല്യങ്ങൾ ഈ പ്ലാനിനൊപ്പം ഇതുവരെ റിലയൻസ് ജിയോ ആരംഭിച്ചിട്ടില്ല. ഔട്ട്ഗോയിംഗ് വോയ്സ് കോളുകൾ ചെയ്യുന്നതിന് ഉപയോക്താക്കൾ നിലവിലുള്ള ഒരു ഇന്റർകണക്ട് യൂസ് ചാർജ് (ഐയുസി) ടോപ്പ്-അപ്പ് വൗച്ചർ റീചാർജ് ചെയ്യേണ്ടതായി വരും.
