ന്യൂഡല്ഹി : ഹോസ്റ്റല് ഫീസ് വര്ധനയും സംഘര്ഷങ്ങളും മൂലം ക്ലാസുകള് മുടങ്ങിയ ജെഎന്യുവില് തിങ്കളാഴ്ച മുതല് ക്ലാസുകള് പുനരാരംഭിക്കുമെന്ന് വൈസ് ചാന്സലര് ജഗദീഷ് കുമാര്. വര്ധിപ്പിച്ച ഹോസ്റ്റല് ഫീസ് അടക്കമുള്ള തീരുമാനങ്ങള് പിന്വലിക്കാമെന്ന് കേന്ദ്രസര്ക്കാര് വിദ്യാര്ത്ഥികള്ക്ക് ഉറപ്പുനല്കി. ഇതോടെ സര്വകലാശാലയില് മൂന്ന് മാസമായി നടത്തിവരുന്ന സമരങ്ങള്ക്ക് വിരാമമാവുകയാണ് .
ഫീസ് വര്ധന പിന്വലിക്കാമെന്ന് കേന്ദ്രസര്ക്കാര് ചര്ച്ചയില് ഉറപ്പുനല്കിയതായി വിദ്യാര്ത്ഥി യൂണിയന് പ്രസിഡന്റ് ഐഷി ഘോഷ് പറഞ്ഞു . ഐഷി ഘോഷടക്കം നാല് പേരാണ് എംഎച്ച്ആര്ഡി സെക്രട്ടറിയെ കണ്ടത്. വിസിയെ മാറ്റണം എന്നതായിരുന്നു ഇവരുടെ പ്രധാന ആവശ്യം . ജെഎന്യുവിലെ സ്ഥിതിഗതികള് സംബന്ധിച്ച് മാനവ വിഭവ ശേഷി മന്ത്രാലയ സെക്രട്ടറി അമിത് ഖേര വൈസ് ചാന്സലര് ജഗദീഷ് കുമാറുമായി കൂടിക്കാഴ്ച നടത്തിയിരുന്നു . വിസിയെ മാറ്റണമെന്ന ഉറച്ച നിലപാടില് നില്ക്കുന്ന വിദ്യാര്ത്ഥികളെ അനുനയിപ്പിക്കാനാണ് ഇരുവരും തമ്മിലുള്ള ചര്ച്ചയില് ധാരണയായത്.
