കൊച്ചി : പോളണ്ടില് വെയര്ഹൗസ് വര്ക്കറായി ജോലി തരപ്പെടുത്തിക്കൊടുക്കാമെന്നുപറഞ്ഞ് നിരവധി പേരെ വഞ്ചിച്ച കേസിലെ പ്രതി അറസ്റ്റില്. ആലുവ തോട്ടക്കാട്ടുകര ചെറുകടവില് ഹൗസില് സന്തോഷ് ജോസഫിനെയാണ് (49) എറണാകുളം സെന്ട്രല് പോലീസ് സ്റ്റേഷന് ഇന്സ്പെക്ടര് എസ്.വിജയശങ്കറിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. എറണാകുളം കോമ്പാറയില് സാന്ജോസ് ഇന്റര്നാഷനല് എന്ന സ്ഥാപനത്തിന്റെ മറവിലാണ് തട്ടിപ്പ് നടത്തിയത്. പോളണ്ടില് വെയര്ഹൗസില് വര്ക്കറായി ജോലി മേടിച്ചുകൊടുക്കാം എന്നുപറഞ്ഞായിരുന്നു പരാതിക്കാരുടെ കൈയില്നിന്ന് പ്രതി പണം കൈപ്പറ്റിയത്.
