തിരുവനന്തപുരം : മുഖ്യമന്ത്രിക്കെതിരെ അവകാശ ലംഘനത്തിന് സ്പീക്കര്ക്ക് ആലുവ എംഎല്എ അന്വര് സാദത്ത് പരാതിനല്കി. സില്വര് ലൈന് പദ്ധതിയുടെ ഡിപിആറുമായി ബന്ധപ്പെട്ട് മുഖ്യമന്ത്രി പിണറായി വിജയന് തെറ്റായ ഉത്തരം നല്കിയെന്ന് ആരോപിച്ചാണ് അന്വര് സാദത്ത് രംഗത്ത് എത്തിയത്. സില്വര് ലൈന് പദ്ധതിയുടെ വിശദമായ പദ്ധതി രേഖ സിഡിയില് ഉള്പെടുത്തി നല്കിയെന്നായിരുന്നു നിയമസഭയില് മുഖ്യമന്ത്രി നല്കിയ മറുപടി. എന്നാല് സിഡി കിട്ടിയില്ലെന്ന് അന്വര് സാദത്ത് ആരോപിക്കുന്നു. അതിനിടെ സംസ്ഥാനത്ത് വീണ്ടും കെ – റെയില് അതിരടയാളക്കല്ലുകള് പിഴുതു. കണ്ണൂര് മാടായിപ്പാറയില് സ്ഥാപിച്ച കെ – റെയില് കല്ലുകളാണ് വീണ്ടും പിഴുതു മാറ്റിയത്. എട്ട് അതിരടയാള കല്ലുകള് പിഴുത് റോഡില് കൂട്ടിയിട്ട് റീത്ത് വെച്ച നിലയിലാണ് ഇന്ന് രാവിലെ കണ്ടത്.
