പത്തനംതിട്ട : വിദേശജോലി വാഗ്ദാനം ചെയ്ത് പണം തട്ടിയ കേസിൽ പ്രതി രണ്ടു വര്ഷത്തിനുശേഷം പിടിയില്. നൂറനാട് പടനിലം കാവിന്റെ പടിഞ്ഞാറ്റതിൽ വീട്ടിൽ അശോക ഭവനിൽ അശോകൻ പിള്ളയെ (52) പോലീസ് അറസ്റ്റ് ചെയ്തു. കൊടുമൺ, വെട്ടൂർ തുടങ്ങിയ സ്ഥലങ്ങളിൽ നിന്ന് ആഫ്രിക്കയിൽ ജോലിക്കായി കൊണ്ടുപോകാമെന്നു പറഞ്ഞാണ് ഉദ്യോഗാർഥികളിൽ നിന്ന് അശോകന്റെ ബന്ധുക്കൾ മുഖേന 2 വർഷം മുൻപ് പണം പലരിൽ നിന്നായി ആറര ലക്ഷം രൂപയാണ് കൈപ്പറ്റിയത്. പിന്നീട് അശോകനെക്കുറിച്ച് യാതൊരു വിവരവും ലഭിക്കാത്തതിനെ തുടർന്ന് ഉദ്യോഗാർഥികൾ പോലീസിൽ പരാതി നൽകുകയായിരുന്നു. വിദേശത്ത് നിന്ന് നാട്ടിൽ എത്തിയ അശോകൻ പിള്ളയെ കഴിഞ്ഞദിവസം ഇൻസ്പെക്ടർ എസ്. മഹേഷ്കുമാർ, എസ്ഐ അനൂപ് ചന്ദ്രൻ എന്നിവരുടെ നേതൃത്വത്തിലാണ് അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
