തിരുവനന്തപുരം: നടന് ദിലീപിന് അനുകൂലമായി വെളിപ്പെടുത്തല് നടത്തിയ മുന് ഡി.ജി.പി ആര്. ശ്രീലേഖയ്ക്കെതിരെ വിവരാവകാശ പ്രവര്ത്തകന് ജോമോന് പുത്തന്പുരയ്ക്കല് രംഗത്ത്. ശ്രീലേഖ കള്ളക്കഥകള് മെനയാന് വിദഗ്ധയാണെന്നും എ.എസ്.പി ആയിരിക്കെ കുഞ്ഞിനെ കൊന്ന അമ്മയെ രക്ഷിക്കാന് ശ്രീലേഖ ശ്രമിച്ചിട്ടുണ്ടെന്നും ജോമോന് ആരോപിച്ചു. പ്രശസ്തിക്ക് വേണ്ടി എന്തും പറയുന്ന ആളാണ് ശ്രീലേഖയെന്നും അദ്ദേഹം പറഞ്ഞു.
‘പ്രശസ്തി ലഭിക്കാന് എന്തും പറയുന്ന ആളാണ് അവര്. സര്വ്വീസില് ഇരിക്കെ ഒരു കേസിലും അന്വേഷണം നടത്തി ശിക്ഷ വാങ്ങിക്കൊടുത്ത ചരിത്രം ശ്രീലേഖയ്ക്കില്ല. ഇത്തരം തോന്നിയവാസങ്ങള് പറയാനാണ് അവര് മെനക്കെടുന്നത്. ചാനലിലും പത്രത്തിലുമെല്ലാം വീരവാദം മുഴക്കും. ഇല്ലാത്ത കാര്യങ്ങള് പറഞ്ഞ് കള്ളക്കഥകള് മെനയാന് ശ്രീലേഖ വിദഗ്ധയാണെന്ന് ഓരോ ഘട്ടത്തിലും തെളിഞ്ഞുകൊണ്ടരിക്കുകയാണ് ജോമോന് വ്യക്തമാക്കി. നടിയെ ആക്രമിച്ച കേസില് നടന് ദിലീപ് നിരപരാധിയാണെന്ന് ശ്രീലേഖ വെളിപ്പെടുത്തിയതിന് പിന്നാലെയാണ് ജോമോന് പുത്തന്പുരയ്ക്കലിന്റെ പ്രതികരണം.