തിരുവല്ല : പാരമ്പരാകത രാഷ്ട്രീയ ശൈലിയിൽ മനം മടുത്ത യുവജനങ്ങളെ രാഷ്ട്രീയത്തിലേക്ക് മടക്കി കൊണ്ടുവരാൻ കേരള യൂത്ത് ഫ്രണ്ട് എമ്മിന് കഴിയണമെന്ന് കേരള കോൺഗ്രസ് എം ചെയർമാൻ ജോസ് കെ മാണി. തിരുവല്ല മാമ്മൻ മത്തായി നഗറിൽ നടന്ന കേരള യൂത്ത് ഫ്രണ്ട് എം പത്തനംതിട്ട ജില്ലാ നേതൃത്വ ക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു ജോസ് കെ മാണി എംപി. യൂത്ത് ഫ്രണ്ട് എം ജില്ലാ പ്രസിഡന്റ് മാത്യു നൈനാൻ അദ്ധ്യക്ഷത വഹിച്ചു. പാർട്ടി ജില്ലാ പ്രസിഡന്റ എൻ.എം രാജു, യൂത്ത് ഫ്രണ്ട് സംസ്ഥാന പ്രസിഡന്റ് റോണി മാത്യു, ഗവ.ചീഫ് വിപ്പ് എൻ.ജയരാജ്, പ്രമോദ് നാരായണൻ എംഎല്എ, സംസ്ഥാന ജനറൽ സെക്രട്ടറിമാരായ ലോപസ് മാത്യു, ജോർജ് കുട്ടി അഗസ്തി, എലിസബത്ത് മാമ്മൻ മത്തായി, ചെറിയാൻ പോളച്ചിറക്കൻ, സിന്ധു മോൾ ജേക്കബ്, ജില്ലാ സെക്രട്ടറി ജോർജ് എബ്രഹാം, മജ്നു രാജൻ എന്നിവർ പ്രസംഗിച്ചു.
സിപിഐ എം പത്തനംതിട്ട ജില്ലാ കമ്മറ്റിയംഗം എം.വി സഞ്ജു ‘യുവജനങ്ങളും ഇടതുപക്ഷവും’ എന്ന വിഷയത്തിനെ പറ്റി ക്ലാസെടുത്തു. യൂത്ത് ഫ്രണ്ട് സംസ്ഥാന നേതാക്കൻമാരായ അഡ്വ.ദീപക് മാമ്മൻ മത്തായി, ടോം ഇമ്മട്ടി, റോണി വലിയ പറമ്പിൽ, ജോജി തോമസ്, ജില്ലാ ജനറൽ സെക്രട്ടറി നെബു തങ്ങളത്തിൽ, കെ.എസ്.സി ജില്ലാ പ്രസിഡന്റ് കരുൺ സക്കറിയ, നിയോജക മണ്ഡലം പ്രസിഡന്റ് മാരായ തോമസ് കോശി, ഹാൻലി ജോൺ റ്റോം ആയല്ലൂർ, ഷിജോ കോന്നി, അനീഷ് അടൂർ എന്നിവർ പ്രസംഗിച്ചു. യൂത്ത് ഫ്രണ്ട് ജില്ലാ നിയോജക മണ്ഡലം ഭാരവാഹികൾ പങ്കെടുത്തു.
