പാലക്കാട് : ബസിനു മുകളില് കയറി സഞ്ചരിച്ച യാത്രക്കാര്ക്ക് മുകളില് കയറി തന്നെ ടിക്കറ്റ് നല്കിയ ഒരു കണ്ടക്ടറുടെ ചിത്രങ്ങളാണ് ഇപ്പോള് സോഷ്യല് മീഡിയയില് ശ്രദ്ധ നേടുന്നത്. സ്വകാര്യ ബസിനുള്ളിലെ തിരക്ക് അതിരുകടന്നപ്പോഴാണ് യാത്രക്കാര് മുകളിലേയ്ക്ക് കയറിയത്. ഇവര് ടിക്കറ്റെടുത്തിരുന്നില്ല. ഇതോടെയാണ് കണ്ടക്ടറും പിന്നാലെ കയറി എല്ലാവര്ക്കും ടിക്കറ്റ് നല്കിയത്. പാലക്കാടാണ് സംഭവം നടന്നത്. നെന്മാറ – വല്ലങ്ങി വേലയുടെ ഭാഗമായി നടന്ന വെടിക്കെട്ടു കണ്ടു മടങ്ങിയ യാത്രക്കാരായിരുന്നു ബസിലുണ്ടായിരുന്നത്. അതേസമയം അപകടകരമായ രീതിയിലായിരുന്നു യാത്രക്കാരുടെ സഞ്ചാരം. കണ്ടക്ടര് മുകളില് നിന്നു ടിക്കറ്റ് നല്കുന്നതിനിടെ ബസ് മുന്നോട്ട് നീങ്ങുന്നതും പ്രചരിക്കുന്ന വീഡിയോയില് കാണാം.
