കോട്ടയം : ജോസ് കെ മാണി മുന്നണിയില് വരുന്നത് കൊണ്ട് കാര്യമായ ഒരു പ്രയോജനവും ഉണ്ടാകാന് പോകുന്നില്ലെന്ന് സിപിഐ കോട്ടയം ജില്ലാ നേതൃത്വം. കോട്ടയം ജില്ലാ സെക്രട്ടറി സി.കെ.ശശിധരന് കേരള കോണ്ഗ്രസ് ജോസ് കെ മാണി വിഭാഗത്തെ എല്ഡിഎഫിലെടുക്കുന്നതില് പരസ്യമായി അതൃപ്തി പ്രകടിപ്പിച്ച് രംഗത്തെത്തി.
മുന്കാല അനുഭവത്തിന്റെ അടിസ്ഥാനത്തില് വലിയ അത്ഭുതമൊന്നും അവര് വരുന്നത് കൊണ്ട് ഉണ്ടാവുമെന്ന അഭിപ്രായം ഞങ്ങള്ക്കില്ലെന്നും സി.കെ.ശശിധരന് തുറന്നടിച്ചു.
അവരുടെ അണികളിലെ പ്രധാനപ്പെട്ട ഒരു ഭാഗം തന്നെ യുഡിഎഫ് വിട്ടുപോരുന്നതില് അതൃപ്തരാണ്. ജോസ് കെ.മാണിയുടെ വരവ് സംബന്ധിച്ച് മുന്നണിയില് ഇതുവരെ ഒരു ചര്ച്ചയും നടന്നിട്ടില്ല. സിപിഐയുടെ സീറ്റ് ആര്ക്കും വിട്ടുകൊടുക്കാനും പോകുന്നില്ലെന്നും അദ്ദേഹം വ്യക്തമാക്കി. അതേസമയം കേരള കോണ്ഗ്രസ് ജന്മദിനമായ വെള്ളിയാഴ്ച സ്റ്റിയറിങ് കമ്മിറ്റി യോഗം ചേരുന്നുണ്ട്. ഈ യോഗത്തിന് ശേഷം മുന്നണി മാറ്റം സംബന്ധിച്ചുള്ള നിലപാട് ജോസ് കെ.മാണി പ്രഖ്യാപിച്ചേക്കും.
