കോട്ടയം: കേരളാ കോണ്ഗ്രസിലെ പി.സി തോമസ്- പി.ജെ. ജോസഫ് ലയനത്തെ പരിഹസിച്ച് ജോസ് കെ. മാണി. തോമസുമായുള്ള ലയനം ജോസഫിന് ബിജെപിയിലേക്കുള്ള പാലമാണ്. ബിജെപി സംസ്ഥാന അധ്യക്ഷന് കെ. സുരേന്ദ്രന്റെ യാത്രയില് പി.സി. തോമസ് പങ്കെടുത്തിരുന്നുവെന്നും ജോസ് ഒരു സ്വകാര്യ ചാനലിനോട് പറഞ്ഞു.
അതേസമയം, പിറവത്ത് സീറ്റ് കിട്ടാത്തവരാണ് പെയ്ഡ് സീറ്റെന്ന ആരോപണം ഉന്നയിക്കുന്നത്. സിന്ധുമോള് സിപിഎം സ്ഥാനാര്ഥിയല്ല. സിന്ധുമോളുടേത് പഴയ കേരള കോണ്ഗ്രസ് കുടുംബമെന്നും ജോസ് വ്യക്തമാക്കി. കുറ്റ്യാടി സീറ്റ് സിപിഎമ്മിന് വിട്ടു നല്കിയത് ഗ്രൗണ്ട് റിയാലിറ്റി മനസിലായതിനാലാണെന്നും അദ്ദേഹം കൂട്ടിച്ചേര്ത്തു.
