കല്പകഞ്ചേരി: ഒമ്പതാം ക്ലാസ് വിദ്യാര്ഥിനിയെ മയക്കുമരുന്ന് നല്കി പീഡിപ്പിച്ച കേസിലെ മുഖ്യപ്രതികള് പിടിയില്. വളവന്നൂര് പൂന്തോട്ടപ്പടി സ്വദേശികളായ ആറ്റുപുറത്ത് മുഹമ്മദ് ഇഖ്ബാല് (27), പരപ്പില് മുഹമ്മദ് ആഷിക് (28) എന്നിവരെയാണ് കല്പകഞ്ചേരി സി ഐ എം ബി റിയാസ് രാജയും സംഘവും അറസ്റ്റ് ചെയ്തത്. കോഴിക്കോട് വിമാനത്താവളത്തില് വെച്ചായിരുന്നു അറസ്റ്റ് ചെയ്തത്.
സംഭവത്തിന് ശേഷം ബംഗളൂരുവിലേക്കും ചെന്നൈയിലേക്കും അവിടെനിന്ന് ദുബൈയിലേക്കും കടന്ന ഇവരെ മലയാളി കൂട്ടായ്മകളുടെയും സി ഐ ഡി ഉദ്യോഗസ്ഥരുടെയും സഹായത്തോടെ പോലീസ് കണ്ടെത്തി തന്ത്രപരമായി നാട്ടിലേക്ക് എത്തിക്കുകയായിരുന്നു. തുടര്ന്ന് വിമാനത്താവളത്തില് നിന്ന് പ്രതികളെ പിടികൂടുകയുമായിരുന്നു. ഇതോടെ കേസില് എട്ട് പേര് അറസ്റ്റിലായി.
അന്വേഷണ സംഘത്തില് എസ് ഐ മണികണ്ഠന്, എ എസ് ഐ സി രവി, സീനിയര് പോലീസ് ഓഫീസര് പി സജുകുമാര്, പി ഷാജു, സി പി ഒ ശൈലേഷ്, ഡബ്ലിയു സി പി ഒ എം എ രജിത, നീന, സി പി ഒമാരായ സോജി, ജോണ്സണ് എന്നിവരുമുണ്ടായിരുന്നു. പ്രതികളെ കോടതിയില് ഹാജരാക്കി റിമാന്ഡ് ചെയ്തു.
