തിരുവനന്തപുരം: ജേർണലിസ്റ്റ് & മീഡിയ അസോസിയേഷന്റെ (JMA) കേരള സംസ്ഥാന പൊതുയോഗം ദേശീയ പ്രസിഡന്റ് വൈശാഖ് സുരേഷ് ഉദ്ഘാടനം ചെയ്തു. മാധ്യമപ്രവർത്തകർ നേരിടുന്ന അവകാശ ലംഘനങ്ങൾക്കെതിരെ ഒറ്റക്കെട്ടായി പോരാടേണ്ടതിന്റെ ആവശ്യകത അദ്ദേഹം ചൂണ്ടിക്കാട്ടി. യോഗത്തില് സംസ്ഥാന പ്രസിഡന്റ് ബി. ത്രിലോചനൻ അധ്യക്ഷത വഹിച്ചു. സമ്മേളനത്തില് പുതിയ സംസ്ഥാന ഭരണസമിതിയെ തെരഞ്ഞെടുത്തു. ദേശീയ പ്രസിഡന്റ് വൈശാഖ് സുരേഷ് വരണാധികാരിയായിരുന്നു.
പ്രസിഡന്റ് – ബി. ത്രിലോചനൻ, വൈസ് പ്രസിഡന്റ് – ഷിബു ബി., ജനറൽ സെക്രട്ടറി – റോബിൻസൺ ക്രിസ്റ്റഫർ, ട്രഷറർ – സി. ആർ. സജിത്ത്, സെക്രട്ടറിമാർ – രവി കല്ലുമല, അശോക കുമാർ, സിബഗത്തുള്ള, എം.എ. അലിയാർ, ജോസഫ് എന്നിവരെ തെരഞ്ഞെടുത്തു. കൂടാതെ വിപുലമായ സംസ്ഥാന എക്സിക്യൂട്ടീവ് കമ്മിറ്റിക്കും യോഗം രൂപം നൽകി. സംഘടനയെ സംസ്ഥാനത്തുടനീളം ശക്തിപ്പെടുത്താനും മാധ്യമ മേഖലയിൽ ക്രിയാത്മകമായ ഇടപെടലുകൾ നടത്താനും പുതിയ കമ്മിറ്റി തീരുമാനിച്ചു.
