പ്രണയാഭ്യര്‍ഥന നിരസിച്ചു ; പ്രായപൂര്‍ത്തിയാകാത്ത പെണ്‍കുട്ടിയെ കടന്ന് പിടിച്ചു – അക്രമിച്ചു

കൊല്ലം : പ്രണയാഭ്യർഥന നിരസിച്ചതിന് പ്രായപൂർത്തിയാകാത്ത പെൺകുട്ടിയെ നടുറോഡിൽ കടന്നുപിടിക്കുകയും ദേഹോപദ്രവം ഏൽപ്പിക്കുകയും ചെയ്ത യുവാവ് അറസ്റ്റിൽ. തൃക്കോവിൽവട്ടം ചേരീക്കോണം ചിറയിൽ വീട്ടിൽ അജിത്ത് (19) ആണ് അറസ്റ്റിലായത്. പോക്സോ നിയമപ്രകാരമാണ് നടപടി. ഇക്കഴിഞ്ഞ 29 ന് വൈകീട്ടായിരുന്നു സംഭവം. പെൺകുട്ടിയുടെ പരാതിയിൽ പോലീസ് ഇയാളെ സംഭവസ്ഥലത്തുനിന്ന് പിടികൂടുകയായിരുന്നു. കണ്ണനല്ലൂർ പോലീസ് ഇൻസ്പെക്ടർ യു.പി വിപിൻകുമാറിന്റെ നേതൃത്വത്തിലാണ് പ്രതിയെ അറസ്റ്റ് ചെയ്തത്. പ്രതിയെ റിമാൻഡ് ചെയ്തു.