“ജ്യോതി”, നമ്മുടെ സമൂഹത്തിൽ സ്ത്രീകൾ അനുഭവിക്കുന്ന സദാചാര ഗുണ്ടായിസം, ഇവ് ടീസിംഗ്, ലിംഗ വിവേചനം തുടങ്ങിയ ഒരുപാട് പ്രശ്നങ്ങളുടെ നേരെ വിരൽ ചൂണ്ടുന്ന ഒരു അറ്റെംപ്റ്റാണ്.
പ്രേക്ഷകരെ, അവർക്ക് സ്ത്രീകളോടുള്ള മനോഭാവത്തെപ്പറ്റി ആഴത്തിൽ ചിന്തിക്കാൻ പ്രേരിപ്പിക്കുന്നതിനോടൊപ്പം തന്നെ, ഈ സിനിമ നല്ല ഒരു എന്റെർറ്റൈനെർ കൂടിയാണ്.
ഡൽഹിയിൽ നടന്ന നിർഭയ റേപ്പ് വിഷയത്തെ അടിസ്ഥാനമാക്കി എടുത്ത
ഈ ഉദ്വേഗജനകമായ ചിത്രത്തിന്റെ കഥ, തിരക്കഥ, സംവിധാനം നിർവഹിച്ചിരിക്കുന്നത് സ്വതന്ത്ര സംവിധായകൻ ആയ ശ്രീഹരി ആണ്.
ജ്യോതിയുടെ ഛായാഗ്രഹണം പ്രവൻ പാണ്ഡുരംഗൻ ആണ് ചെയ്തത്. ഇതിന്റെ അസ്സോസിയേറ്റ് ഡയറക്ടർ/കോ-റൈറ്റർ രശ്മി ഗൗർ ആണ്. എഡിറ്റിംഗും സംഗീതവും നവീൻ കുമാർ സോമസുന്ദർ ആണ് നിർവഹിച്ചിരിക്കുന്നത്.
‘അമ്മേ, ഒരു പത്തു മിനുട്ട് കൂടി’, ഒരു പെൺകുട്ടിക്ക് അസമയത്ത് വീടെത്തുമെന്ന് പറയാനും മാത്രം ഉറപ്പ് ഈ പത്ത് മിനുട്ടിനുണ്ടോ. എങ്കിൽ എത്രയോ ‘നിർഭയ’കൾ അവരുടെ കൂരയ്ക്കുള്ളിൽ ഇന്ന് സുഖമായുറങ്ങിയേനെ. വിവേചനങ്ങൾ ഇല്ലാത്ത അസമയങ്ങൾ ഇല്ലാത്ത ഒരു നാളേയ്ക്ക് ‘ജ്യോതി’ ഒരു കാൽവെയ്പ്പാണ്.
