തൃശ്ശൂര്: ഏത് കേന്ദ്രമന്ത്രി വന്ന് പ്രഭാഷണം നടത്തിയാലും ബി.ജെ.പി കേരളത്തില് നിലംതൊടില്ലെന്ന് കോണ്ഗ്രസ് എം.പി കെ മുരളീധരന്. കേന്ദ്ര മന്ത്രി ഞങ്ങളെ കൊല്ലാന് പോകുന്നെ എന്ന് പറഞ്ഞ് എന്തിനാണ് പേടിക്കുന്നതെന്നും മുരളീധരന് പരിഹസിച്ചു. രാഷ്ട്രീയം അറിയാത്ത ആളാണ് ജയശങ്കര്. പാലത്തിന്റെ താഴെന്ന് നോക്കുന്ന പോലെ റെയില്വേ ട്രാക്കിലേക്ക് നോക്കാതിരിക്കാന് മന്ത്രി ശ്രദ്ധിക്കണം. അല്ലെങ്കില് വല്ല ട്രെയിനും വന്നാല് അതുകൊണ്ട് പുലിവാലാകുമെന്നും മുരളീധരന് പരിഹസിച്ചു.
കേരളത്തില് രണ്ട് നേതാക്കള് ബി.ജെ.പിക്കുള്ള കാലത്തോളം യു.ഡി.എഫിനും എല്.ഡി.എഫിനും ബി.ജെ.പിയെ പേടിക്കേണ്ടതില്ല. അത് വി. മുരളീധരനും കെ. സുരേന്ദ്രനുമാണ്. ആ പാര്ട്ടി കേരളത്തില് ഗതി പിടിക്കില്ല. പിന്നെ എന്തിനാണ് കേന്ദ്ര മന്ത്രി പേടിപ്പിക്കുന്നതിന് വില നല്കുന്നത്. അങ്ങനെത്തെ ഭയപ്പാടിന് ഒരു ആവശ്യവുമില്ലെന്നും മുരളീധരന് കുറ്റപ്പെടുത്തി.
