23.2 C
Pathanāmthitta
Thursday, January 27, 2022 2:46 am
- Advertisment -

സര്‍ക്കാര്‍ വാശി കാണിച്ചാല്‍ യുദ്ധ സന്നാഹത്തോടെ എതിര്‍ക്കും : കെ-റെയിലിനെതിരെ നിലപാട് കടുപ്പിച്ച്‌ കോണ്‍ഗ്രസ്

തിരുവനന്തപുരം : കെ.റെയില്‍ പദ്ധതിക്കെതിരെ നിലപാട് കടുപ്പിച്ച്‌ കോണ്‍ഗ്രസ്. കേരളത്തില്‍ കെ.റെയിലിന്റെ തറക്കല്ലിടല്‍ തടയുമെന്നും സര്‍വേകല്ലുകള്‍ പിഴുതെറിയുമെന്നും കെ.പി.സി.സി പ്രസിഡന്റ് കെ.സുധാകരന്‍ വാര്‍ത്താ സമ്മേളനത്തില്‍ മുന്നറിയിപ്പ് നല്‍കി. സര്‍ക്കാര്‍ വാശി കാണിച്ചാല്‍ യുദ്ധ സന്നാഹത്തോടെ എതിര്‍ക്കും. തുടക്കം മുതല്‍ ഒടുക്കംവരെ സര്‍വേ തടയുമെന്നും കുറ്റികള്‍ പിഴുതെറിയുമെന്നും അദ്ദേഹം പറഞ്ഞു.

ക്രമസമാധാന നില തകര്‍ക്കുന്ന അവസ്ഥ ക്ഷണിച്ചുവരുത്തരുതെന്നും സുധാകരന്‍ മുന്നറിയിപ്പു നല്‍കി. സില്‍വര്‍ ലൈന്‍ പദ്ധതി കാലഹരണപെട്ടതാണ്. പദ്ധതിക്കെതിരെ യുദ്ധ സന്നാഹത്തോടെ കോണ്‍ഗ്രസ് പ്രവര്‍ത്തകര്‍ മുന്നിട്ടിറങ്ങും. അഞ്ചു ശതമാനം കമ്മീഷനില്‍ മാത്രമാണ് സര്‍ക്കാരിന്റെ കണ്ണ്. പദ്ധതിയുടെ മറവില്‍ ഹെക്ടര്‍ കണക്കിന് ഭൂമിയാണ് റിയല്‍ എസ്റ്റേറ്റുകാര്‍ക്ക് മറിച്ചു വില്‍ക്കുന്നത്. ഇതിന്റെ കമ്മീഷനിലാണ് കണ്ണെന്നും അദ്ദേഹം കൂട്ടിച്ചേര്‍ത്തു.

- Advertisment -
Advertisment
Advertisment
- Advertisment -
- Advertisment -

Most Popular