തിരുവനന്തപുരം : ബൈക്ക് നിയന്ത്രണം വിട്ട് മരത്തിലിടിച്ച് തിരുവനന്തപുരം വഴയിലയില് മൂന്നു വിദ്യാര്ഥികള് മരിച്ചു. നെടുമങ്ങാട് സ്വദേശിയായ സ്റ്റെഫിന് (16), പേരൂര്ക്കട സ്വദേശികളായ ബിനീഷ് (16), മുല്ലപ്പന് (16) എന്നിവരാണ് മരിച്ചത്. വൈകുന്നേരം നാല് മണിക്കാണ് സംഭവം. അമിതവേഗത്തില് എത്തിയ ബൈക്ക് വഴയില വളവില്വെച്ച് നിയന്ത്രണം വിട്ട് സമീപമുള്ള കുറ്റിക്കാട്ടിലേക്ക് കയറി മരത്തില് ഇടിക്കുകയായിരുന്നു.
ഇടിയുടെ ആഘാതത്തില് ബൈക്കിന്റെ മുന്ഭാഗം പൂര്ണമായും തകര്ന്നു. മെഡിക്കല് കോളേജില് എത്തിച്ചപ്പോഴേക്കും മൂന്നു പേരും മരിച്ചിരുന്നു. മൃതദേഹങ്ങള് മെഡിക്കല് കോളേജ് മോര്ച്ചറിയിലേക്ക് മാറ്റി. ബിനീഷും മുല്ലപ്പനും നെടുമങ്ങാട് പോയി സ്റ്റെഫിനെയും കൂട്ടി ബൈക്കില് വരികയായിരുന്നു എന്നാണ് പോലീസ് നല്കുന്ന പ്രാഥമിക വിവരം. കൂടുതല് വിശദാംശങ്ങള് പോലീസ് അന്വേഷിക്കുന്നുണ്ട്. ബൈക്കിന്റെ ഉടമസ്ഥനെ കണ്ടെത്താനുള്ള ശ്രമത്തിലാണ് പോലീസ്.
