ചെങ്ങന്നൂർ : കള്ളപ്രചാരണത്തിലൂടെയും സമരക്കാരെ കള്ളക്കേസിൽ കുടുക്കിയും സമരത്തെ ഇല്ലാതാക്കി ഭൂമി പിടിച്ചെടുക്കാമെന്ന സർക്കാരിന്റെ മോഹം വെറും വ്യാമോഹം മാത്രമാണെന്നും കെ – റെയിൽ സിൽവർ ലൈൻ വിരുദ്ധ സമരം ഭാവികേരളത്തെ സംരക്ഷിക്കാനുള്ളതാണെന്നും സമര സമിതി ജില്ലാ രക്ഷാധികാരി ആർ. പാർഥസാരഥി വർമ്മ. കെ – റെയിൽ സിൽവർ ലൈൻ വിരുദ്ധ ജനകീയ സമിതി അരീക്കര പാറപ്പാട് യൂണിറ്റിന്റെ നേതൃത്വത്തിൽ പാറപ്പാട് ജംഗ്ഷനിൽ സംഘടിപ്പിച്ച പ്രതിഷേധ യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മുളക്കുഴ ഗ്രാമപഞ്ചായത്ത് അംഗം പി. എം.സനീഷ് അദ്ധ്യക്ഷത വഹിച്ച യോഗ ത്തിൽ കോൺഗ്രസ് മണ്ഡലം പ്രസിഡന്റ് കെ.കെ സജികുമാർ, സമര സമിതി ജില്ലാ കൺവീനർ മധു ചെങ്ങന്നൂർ, ഗ്രാമപഞ്ചായത്ത് അംഗം സ്മിത വട്ടയത്തിൽ, പഞ്ചായത്ത് സമര സമിതി നേതാക്കന്മാരായ മുരളീധര പണിക്കർ, ഫിലിപ്പ് വർഗീസ്, സിന്ധു ജേയിംസ് തുടങ്ങിയവർ പ്രസംഗിച്ചു.
