കോട്ടയം : കോട്ടയത്ത് കലക്ടറേറ്റ് വളപ്പിനുള്ളില് കെ – റെയില് സര്വേ കല്ല് പ്രതീകാത്മകമായി കുഴിച്ചിട്ടു. യൂത്ത് കോണ്ഗ്രസ് പ്രവര്ത്തകര് മതില്ചാടിക്കടന്നാണ് സര്വേ കല്ല് കുഴിച്ചിട്ടത്. പ്രവര്ത്തകരെ ബലമായി പുറത്താക്കാനുള്ള പോലീസ് ശ്രമം സംഘര്ഷത്തില് കലാശിക്കുകയായിരുന്നു. തുടര്ന്ന് പ്രദേശത്ത് സംഘര്ഷമുണ്ടായി. കളക്ടറേറ്റിന്റെ വളപ്പില് സ്ഥിതി ചെയ്യുന്ന ജില്ല പഞ്ചായത്ത് ഓഫീസിന് മുന്നിലെ ഉദ്യാനത്തിലാണ് കല്ലിട്ടത്. കല്ല് കുഴിച്ചിടുന്നത് പോലീസ് തടയാന് ശ്രമിച്ചതോടെ പ്രവര്ത്തകരുമായി ഉന്തുംതള്ളുമുണ്ടായി. പോലീസ് നടത്തിയ ലാത്തിച്ചാര്ജില് പ്രവര്ത്തകര്ക്ക് പരിക്കേറ്റു.
