കോഴിക്കോട് : ഭൂമി തരം മാറ്റ നടപടികള് കൂടുതല് വേഗത്തിലാക്കുന്നതിന് ലാന്റ് റവന്യൂ കമ്മീഷണര്ക്ക് നിര്ദ്ദേശം നല്കി മന്ത്രി കെ.രാജന്. പുനലൂരില് ഈ മാസം 31 ന് നടക്കുന്ന സംസ്ഥാന തല പട്ടയ വിതരണ പരിപാടിക്ക് ശേഷം സംസ്ഥാനത്തെ ആര്.ഡി.ഒ മാരുടെ യോഗം ഓണ്ലൈനായി ചേരാനും തീരുമാനിച്ചു. വ്യാഴാഴ്ച മന്ത്രിയുടെ അധ്യക്ഷതയില് തരം മാറ്റ നടപടികളുടെ പുരോഗതി വിലയിരുത്തുന്നതിനായി ചേര്ന്ന യോഗത്തിലാണ് നിര്ദേശം നല്കിയത്. ലാന്റ് റവന്യൂ കമ്മീഷണര് കെ.ബിജു, ജോയിന്റ് കമ്മീഷണര് ജെറോമിക് ജോര്ജ്ജ്, സെക്രട്ടേറിയറ്റിലെ ഉയര്ന്ന റവന്യൂ ഉദ്യോഗസ്ഥര് തുടങ്ങിയവര് യോഗത്തില് പങ്കെടുത്തു.
