കണ്ണൂര് : പി.ജയരാജനെ സിപിഎമ്മില് ഒറ്റപ്പെടുത്തുന്നുവെന്ന പ്രതീതി പൊതുധാരയിലുണ്ടെന്ന് കോണ്ഗ്രസ് നേതാവ് കെ.സുധാകരന് എംപി. സ്വാഭാവികമായും ഒരു പാര്ട്ടിയിലുണ്ടാകുന്ന വിള്ളലും അഭിപ്രായവ്യത്യാസവും എതിര്പാര്ട്ടിക്ക് നേട്ടമുണ്ടാക്കും. എന്നാല് തങ്ങളത് പ്രതീക്ഷിക്കുന്നില്ലെന്നും അത് കണ്ടല്ല തെരഞ്ഞെടുപ്പില് നില്ക്കുന്നതെന്നും സുധാകരന് പറഞ്ഞു. ഉറപ്പാണ് എല്ഡിഎഫ് എന്നാണ് പറയുന്നത്. എന്നാല് എല്ഡിഎഫിന് ജയിലാണ് ഉറപ്പെന്നും അദ്ദേഹം വ്യക്തമാക്കി.
ജയരാജനും പാര്ട്ടിയും ഒറ്റക്കെട്ടായി നിന്നാലും കണ്ണൂരില് യുഡിഎഫ് പിടിക്കേണ്ട സീറ്റുകള് ഇത്തവണ പിടിച്ചിരിക്കും. ആര്എസ്എസുമായി ചര്ച്ച നടത്തിയതുമായി ബന്ധപ്പെട്ട് കേന്ദ്ര കമ്മിറ്റി അംഗം ഗോവിന്ദന് മാസ്റ്റര് നിഷേധിച്ച കാര്യം ജയരാജന് ശരിയാണെന്ന് പറഞ്ഞു. സിപിഎമ്മിന്റെ ചരിത്രത്തില് തന്നെ ഇതാദ്യമാണ്. അതുമായി ബന്ധപ്പെട്ട കലാപം സിപിഎമ്മിനുള്ളില് നടക്കുന്നുണ്ടെന്നും സുധാകരന് പറഞ്ഞു.