തിരുവനന്തപുരം: തദ്ദേശ ഉപതിരഞ്ഞെടുപ്പ് ഫലം എല്ഡിഎഫിന് കനത്ത തിരിച്ചടിയെന്ന് കെപിസിസി പ്രസിഡന്റ് കെ സുധാകരന്. യുഡിഎഫ് നേടിയ തിളക്കമാര്ന്ന വിജയത്തില് അഭിമാനംകൊള്ളുന്നുവെന്നും സര്ക്കാര് ജനദ്രോഹ നടപടികളില്നിന്ന് പിന്മാറിയില്ലെങ്കില് വലിയ തിരിച്ചടികളാണ് കാത്തിരിക്കുന്നതെന്നും സുധാകരന് പറഞ്ഞു. പ്രതെരഞ്ഞെടുപ്പുകളിലെ തുടര്ച്ചയായ വിജയം യുഡിഎഫിന്റെ ബഹുജനാടിത്തറ ഭദ്രമാണ് എന്നതിന്റെയും എല്ഡിഎിനെതിരേയുള്ള ജനരോഷത്തിന്റെയും തെളിവാണ്. ജനദ്രോഹ നടപടികളില്നിന്ന് സര്ക്കാര് ഇനിയെങ്കിലും പിന്മാറിയില്ലെങ്കില് വലിയ തിരിച്ചടികളാണ് കാത്തിരിക്കുന്നതെന്ന് സുധാകരന് പ്രതികരിച്ചു.
19 വാര്ഡുകളില് 9 സീറ്റുകളിലാണ് യുഡിഎഫ് വിജയം നേടിയത്.നിലവില് ഏഴ് സീറ്റാണ് യുഡിഎഫിന് ഉണ്ടായിരുന്നത്. കണ്ണൂരിലെ ചെറുതാഴം ഗ്രാമപഞ്ചായത്തിലെ കക്കോണി വാര്ഡും പത്തനംതിട്ട മൈലപ്ര ഗ്രാമപഞ്ചായത്തിലെ അഞ്ചാം വാര്ഡും പാലക്കാട് മുതലമട ഗ്രാമപഞ്ചായത്തിലെ പറയമ്പളം വാര്ഡും എല്ഡിഎഫില്നിന്നും യുഡിഎഫ് പിടിച്ചെടുത്തു. യുഡിഎഫിന്റെ സ്വതന്ത്രസ്ഥാനാര്ത്ഥികള് മുതലമടയിലും പെരുങ്ങോട്ടുകുറിശ്ശിയിലും വിജയിച്ചു.ഓരോ തെരഞ്ഞെടുപ്പ് കഴിയുംതോറും കേരള രാഷ്ട്രീയത്തില് ബിജെപിയുടെ പ്രസക്തി തന്നെ ഇല്ലാതായെന്നും സുധാകരന് പറഞ്ഞു.
