തിരുവനന്തപുരം; നിയമസഭയിലെ പ്രതിപക്ഷ പ്രതിഷേധവുമായി ബന്ധപ്പെട്ട് നടന്നത് ക്രൂരമായ സംഭവങ്ങളെന്ന് കെപിസിസി പ്രസിഡന്റ് കെ. സുധാകരന്. സിപിഎമ്മില്നിന്നു പുറത്തുപോയ എം.വി. രാഘവനെ 1987ല് ഒരു സബ്മിഷന്റെ പേരില് നിയമസഭയിലിട്ടു ചവിട്ടിക്കൂട്ടിയതിനു സമാനമായ സംഭവങ്ങളാണു നിയമസഭയില് അരങ്ങേറിയത്. യുഡിഎഫ് എംഎല്എമാരെ മര്ദിച്ച ഇടത് എംഎല്എമാര്ക്കും അഡീഷനല് ചീഫ് മാര്ഷലിനുമെതിരെ നടപടിയെടുക്കണമെന്നും സുധാകരന് ആവശ്യപ്പെട്ടു. കെ.കെ. രമയുടെ അടുത്തേക്കു പാഞ്ഞെത്തി ആക്രമിച്ച് കൈ ഒടിച്ചു.
ബോധരഹിതനായ സനീഷ് കുമാര് ജോസഫ് എംഎല്എയെ ജനറല് ആശുപത്രിയില് പ്രവേശിപ്പിച്ചെന്നും സുധാകരന് പറഞ്ഞു. തിരുവഞ്ചൂര് രാധാകൃഷ്ണനെയും അഡീഷനല് ചീഫ് മാര്ഷല് ആക്രമിച്ചു. അതേസമയം സ്പീക്കറുടെ ഓഫീസ് ഉപരോധിച്ച പ്രതിപക്ഷ അംഗങ്ങളെ ഒഴിപ്പിക്കാന് വാച്ച് ആന്റ് വാര്ഡ് ശ്രമിച്ചതാണ് കയ്യാങ്കളിയില് കലാശിച്ചത്. സംഘര്ഷത്തിനിടെ തിരുവഞ്ചൂര് രാധാകൃഷ്ണനെ വാച്ച് ആന്റ് വാര്ഡ് മര്ദിച്ചതായി പ്രതിപക്ഷം ആരോപിച്ചു. ഉന്തിനും തള്ളിനുമിടയില് ചാലക്കുടി എംഎല്എ സനീഷ് കുമാര് ജോസഫ് കുഴഞ്ഞു വീണു.