തിരുവനന്തപുരം : കോണ്ഗ്രസിനെ തകര്ക്കാന് എല്ലാത്തരം വര്ഗീയ ശക്തികളെയും സിപിഎം കൂട്ടുപിടിക്കുന്നുവെന്ന് കെപിസിസി പ്രസിഡന്റ് കെ.സുധാകരന് എംപി. ബിജെപിയെപ്പോലെ സിപിഎമ്മും അന്ധമായ കോണ്ഗ്രസ് വിരോധം കൊണ്ടു നടക്കുന്നു. രാജ്യത്ത് വര്ഗീയ ചേരിതിരുവുണ്ടാക്കി ജനങ്ങളെ ഭിന്നിപ്പിക്കാനാണ് ബിജെപിയുടെ ശ്രമം. കോണ്ഗ്രസ് നിലനില്ക്കുന്നിടത്തോളം രാജ്യത്തിന്റെ മതനിരപേക്ഷതയ്ക്ക് ഒരു പോറല് പോലും ഏല്പ്പിക്കാന് സമ്മതിക്കില്ല.
രാഷ്ട്രത്തിന്റെ ശില്പ്പിയായ കോണ്ഗ്രസിന്റെ ചരിത്രം ആരുവിചാരിച്ചാലും തേച്ചുമാച്ചു കളയാന് കഴിയുന്നതല്ല. അധികാരത്തില് ഇല്ലെങ്കിലും ജനം കോണ്ഗ്രസിനെ ഹൃദയത്തിലാണ് പ്രതിഷ്ഠിച്ചിരിക്കുന്നത്’ സുധാകരന് പറഞ്ഞു. കോണ്ഗ്രസിന്റെ പോരാട്ടവീര്യവും ചരിത്രവും പുതുതലമുറയ്ക്ക് പകര്ന്ന് നല്കണമെന്ന്. സുധാകരന് പറഞ്ഞു. ഓരോ പ്രവര്ത്തകനും കോണ്ഗ്രസിന്റെ ജിഹ്വകളായി മാറണം. തകര്ക്കാന് ശ്രമിക്കുന്നവരെ നിരാശരാക്കി കൂടുതല് കരുത്താര്ജ്ജിച്ച് കോണ്ഗ്രസിനെ ശക്തിപ്പെടുത്തേണ്ടത് കാലഘട്ടത്തിന്റെ ആവശ്യമാണെന്നും അദ്ദേഹം പറഞ്ഞു.
