കോഴിക്കോട്: സര്ക്കാരിന്റെ രണ്ടാംവര്ഷം പൂര്ത്തിയാകുമ്പോള് സംസ്ഥാനത്ത് ഭരണ തകര്ച്ചയാണെന്ന് ബിജെപി നേതാവ് കെ സുരേന്ദ്രന്. എല്ലാ സംവിധാനങ്ങളും പരാജയപ്പെട്ടു. എല്ലാ മന്ത്രിമാരും അനാസ്ഥ വച്ചുപുലര്ത്തുകയാണ്. ആഭ്യന്തര വകുപ്പ് കുത്തഴിഞ്ഞു. മുഖ്യമന്ത്രിക്ക് വകുപ്പിന് മേല് ഒരു നിയന്ത്രണവും ഇല്ലെന്നും സുരേന്ദ്രന് പറഞ്ഞു. രണ്ടാം വാര്ഷിക ദിനത്തില് പ്രതിഷേധങ്ങള് സംഘടിപ്പിക്കുമെന്നും സുരേന്ദ്രന് പറഞ്ഞു. ഒരാഴ്ച്ച നീണ്ടു നില്ക്കുന്ന സമര പരിപാടികളാണ് സംഘടിപ്പിക്കുന്നത്. 20 ന് കരിദിനം ആചരിക്കുന്നതോടൊപ്പം സെക്രട്ടറിയേറ്റ്,കലക്ട്രേറ്റ് മര്ച്ച് സംഘടിപ്പിക്കുമെന്നും സുരേന്ദ്രന് കൂട്ടിച്ചേര്ത്തു.
വന്ദനക്ക് പ്രാഥമിക ചികിത്സ നല്കിയതും വിദഗ്ധ ചികിത്സ നല്കിയതും സ്വകാര്യ ആശുപത്രിയിലാണ്. ഒരു ജീവന് രക്ഷാ സംവിധാനവും സര്ക്കാര് ആശുപത്രിയില് ഇല്ലേ? പോലീസിനെ എന്ത് കയ്യില് കൊടുത്താണ് വിടുന്നത്. കോടതി പോലും ചോദിച്ചിരുന്നു. അക്രമകാരികള് എല്ലായിടത്തും അഴിഞ്ഞാടുന്നു. പോലീസിന് ഒന്നും ചെയ്യാന് ആകുന്നില്ല. നിയമ സംവിധാനത്തെ ആര്ക്കും ഭയം ഇല്ലെന്നും സുരേന്ദ്രന് പറഞ്ഞു.
