തിരുവനന്തപുരം : ശബരിമലയില് നടന്ന കാര്യങ്ങളില് വിഷമമുണ്ടെന്ന പ്രസ്താവനയില് ഉറച്ച് മന്ത്രി കടകംപള്ളി സുരേന്ദ്രന്. നടക്കാന് പാടില്ലാത്ത കാര്യങ്ങളാണ് അവിടെ നടന്നത്. സുപ്രീംകോടതി ഇങ്ങനെയൊരു വിധി പുറപ്പെടുവിക്കാമായിരുന്നോ എന്ന ചോദ്യവുമുണ്ട്.
താന് പോലീസിനെ ഉപയോഗിച്ച് അയ്യപ്പന്മാരെ അടിച്ചോടിച്ചു എന്ന് പ്രധാനമന്ത്രി മോദി തന്നെപ്പറ്റി കള്ളംപറഞ്ഞു. ശോഭ സുരേന്ദ്രന് തന്നെപ്പറ്റി പറയാന് പാടില്ലാത്ത വാക്കുകള് പറഞ്ഞു. പറഞ്ഞതെല്ലാം അവര്ക്കുതന്നെ വിനയായി. ശബരിമല ജനങ്ങള്ക്ക് അടഞ്ഞ അധ്യായമാണെന്നും കടകംപള്ളി പറഞ്ഞു.
