തിരുവനന്തപുരം : കടയ്ക്കാവൂര് പോക്സോ കേസില് മാധ്യമങ്ങള്ക്ക് മുമ്പില് വെളിപ്പെടുത്തലുമായി കുറ്റാരോപിതയായ അമ്മ. താന് നിരപരാധിയാണെന്നും മകനെ ഭീഷണിപ്പെടുത്തി കള്ളം പറയിച്ചതാണെന്നും ഇവര് മാധ്യമങ്ങളോട് പറഞ്ഞു. എല്ലാ അമ്മമാര്ക്കും വേണ്ടി സത്യം പുറത്തുവരണമെന്നും വാര്ത്താസമ്മേളനത്തില് ഇവര് ആവശ്യപ്പെട്ടു.
കുഞ്ഞുങ്ങളെ തിരിച്ചുവേണം. തനിക്കുവേണ്ടിയല്ല, രാജ്യത്തെ എല്ലാ അമ്മമാര്ക്കു വേണ്ടിയും ഇതിന്റെ സത്യം പുറത്തുവരണം. ഭീഷണിപ്പെടുത്തിയാണ് മകനെ കൊണ്ട് ഇത്തരത്തില് പറയിച്ചത്. അല്ലാതെ ഒരിക്കലും തന്റെ കുഞ്ഞ് അങ്ങനെ പറയില്ലെന്ന് യുവതി മാധ്യമങ്ങളോട് പറഞ്ഞു.
