ആലപ്പുഴ : ജില്ലയുടെ തീരപ്രദേശങ്ങളില് രൂക്ഷമായ കടലാക്രമണം. നിരവധി വീടുകള് വെള്ളത്തിലായി. പല വീടുകളുടെയും അടിത്തറകള്ക്കും കേടുപാടുകള് സംഭവിച്ചിട്ടുണ്ട്. വെള്ളം കയറിയതിനെ തുടര്ന്ന് ഒട്ടേറെ വീടുകളിലെ വീട്ടുപകരണങ്ങള് നശിച്ചു.
ആറാട്ടുപുഴ, തൃക്കുന്നപ്പുഴ പ്രദേശങ്ങളില് തീരദേശ റോഡ് കവിഞ്ഞ് കടല്വെള്ളം ഒഴുകുണ്ണ സ്ഥിതിയാണ്. ചെട്ടികാട് പ്രദേശത്തു മത്സ്യതൊഴിലാളികളുടെ തൊഴില് ഉപകരണങ്ങളും നശിച്ചു. വലകള് നശിച്ചതിലൂടെ രണ്ടര ലക്ഷത്തിലധികം രൂപയുടെ നഷ്ടമാണ് റവന്യു വകുപ്പ് കണക്കാക്കുന്നത്. കരയില് കയറ്റിവച്ചിരുന്ന വള്ളങ്ങള് കൂട്ടിയിടിച്ചും നാശമുണ്ടായി. പലരും ബന്ധുവീടുകളിലേക്ക് ഉള്പ്പെടെ താമസം മാറ്റി.
