തിരുവനന്തപുരം : പ്രശസ്ത സംഗീതജ്ഞന് കൈതപ്രം വിശ്വനാഥന്റെ അകാല വിയോഗം അങ്ങേയറ്റം ദുഃഖകരമാണെന്ന് മുഖ്യമന്ത്രി പിണറായി വിജയന് വ്യക്തമാക്കി. മലയാള ചലച്ചിത്ര ഗാനങ്ങളില് ശാസ്ത്രീയ സംഗീതത്തിന്റെ ഭാവം പകരുന്നതിന് വിജയകരമാം വിധം ശ്രമിച്ച സംഗീത സംവിധായകനാണദ്ദേഹം. കുറച്ചു ഗാനങ്ങള് കൊണ്ട് ചലച്ചിത്ര ഗാനാസ്വാദകര്ക്ക് പ്രിയങ്കരനായി മാറിയ പ്രതിഭയാണ് കൈതപ്രം വിശ്വനാഥന്.
അദ്ദേഹത്തിന്റെ കുടുംബത്തിന്റെയും സംഗീതാസ്വാദകരുടെയും ദുഃഖത്തില് പങ്കുചേരുന്നതായി മുഖ്യമന്ത്രി കൂട്ടിച്ചേര്ത്തു. അര്ബുദ ബാധിതനായി ഒരു വര്ഷത്തിലേറെയായി ചികിത്സയില് കഴിയവെ കോഴിക്കോട് എംവിആര് ക്യാന്സര് സെന്്ററില് വച്ചാണ് അന്ത്യം സംഭവിച്ചത്. ഗാനരചയിതാവും, സംഗീതസംവിധായകനുമായ കൈതപ്രം ദാമോദരന് നമ്പൂതിരിയുടെ ഇളയ സഹോദരനാണ്.
