കൊച്ചി : കാക്കനാട് മയക്കുമരുന്ന് കേസില് പിടികൂടിയത് എംഡിഎംഎ അല്ലെന്ന് കണ്ടെത്തല്. എംഡിഎംഎയ്ക്ക് സമാനമായ, വീര്യം കൂടിയ മയക്കുമരുന്നായ മെത്തഫെറ്റാമിന് ആണ് പിടിച്ചെടുത്തത് എന്നാണ് കണ്ടെത്തല്. കേസില് ഒരു സ്ത്രീ കൂടി കഴിഞ്ഞ ദിവസം അറസ്റ്റിലായിരുന്നു. കേസിലെ പന്ത്രണ്ടാം പ്രതിയായ സുസ്മിത ഫിലിപ്പ് ആണ് പിടിയിലായത്.
രാസപരിശോധനയില് ആണ് ഇക്കാര്യം കണ്ടെത്തിയത്. യൂറോപ്പില് നിര്മിച്ചതാണ് പിടികൂടിയ മയക്കുമരുന്ന് എന്നും എക്സൈസ് അറിയിച്ചു. ഒരു കിലോ മേത്തഫെറ്റാമിന് ആണ് പിടിച്ചെടുത്തിരുന്നത്.പ്രതി, മയക്കുമരുന്ന് ഇടപാടില് സജീവമായിരുന്നെന്നും മയക്കുമരുന്ന് പാര്ട്ടികളുടെ സംഘടാകയാണെന്നും വ്യക്തമായ സാഹചര്യത്തിലാണ് അറസ്റ്റ്. ലഹരി മരുന്ന് സംഘം കുടുംബമായി യാത്ര ചെയ്യുകയാണെന്ന് തെറ്റിദ്ധരിപ്പിക്കാനായിരുന്നു കാറില് നായ്ക്കളെയും ഒപ്പം കൂട്ടിയത്.
