കൊച്ചി : കളമശ്ശേരിയില് നടന്ന സ്ഫോടനത്തിന്റെ പശ്ചാത്തലത്തില് നടന് ഷെയ്ന് നിഗം സമൂഹമാധ്യമങ്ങളില് പങ്കുവെച്ച കുറിപ്പുകള് സോഷ്യല് മീഡിയ ഏറെ ചര്ച്ച ചെയ്തിരുന്നു. ഏറെ സങ്കീര്ണത നിറഞ്ഞ വിഷയത്തിന്റെ ഗൗരവം മനസ്സിലാക്കി വേണം നാമെല്ലാം പ്രതികരിക്കാന് എന്നായിരുന്നു ഷെയ്ന് സമൂഹമാധ്യമങ്ങളില് കുറിച്ചത്. നടന്റെ വിഷയത്തിലുള്ള പ്രതികരണത്തെ അഭിനന്ദിച്ച് നിരവധിപേര് എത്തുകയും ചെയ്തു. ഇപ്പോഴിതാ വിഷയത്തില് മറ്റൊരു പ്രതികരണവുമായി എത്തിയിരിക്കുകയാണ് താരം. തന്റെ വ്യക്തിപരമായ അഭിപ്രായങ്ങളും കാഴ്ചപ്പാടുകളുമാണ് കുറിപ്പിലൂടെ പങ്കുവെച്ചതെന്നും ഇതിന് ഒരുപാട് ആളുകള് അഭിനന്ദനങ്ങളും ഐക്യദാര്ഢ്യവും നല്കിയെന്നും ഷെയ്ന് പറഞ്ഞു.
”പ്രിയപ്പെട്ട സുഹൃത്തുക്കളെ, കഴിഞ്ഞ ദിവസം പോസ്റ്റ് ചെയ്ത വിഷയത്തില് ഒരുപാട് ആളുകള് അഭിനന്ദനങ്ങളും ഐക്യദാര്ഢ്യവും നല്കുന്നുണ്ട്…സന്തോഷം തന്നെ. ഞാന് എന്ന വ്യക്തിയുടെ പൗരബോധത്തിന് ഉപരി, സമൂഹത്തില് ഇപ്പോഴും നിലനില്ക്കുന്ന വര്ഗ, മത, വര്ണ വിഭാഗീയതയ്ക്ക് സാക്ഷ്യം വഹിക്കുന്ന വ്യക്തി എന്ന നിലക്ക് എന്റെ വ്യക്തിരമായ അഭിപ്രായങ്ങളും കാഴ്ചപ്പാടുകളും മാത്രം ആണ് അത്. സന്തോഷവും സാഹോദര്യവും നന്മയും എന്നും നിലനില്ക്കേണ്ട ലോകത്ത് സ്വാര്ഥ ലാഭത്തിനുവേണ്ടി വാക്കുകളിലും പ്രവൃത്തികളിലും വെറുപ്പിനെ പുരട്ടുമ്പോള്…ഞാനല്ല ..നാം ഓരോരുത്തരും വെറുപ്പിന് മീതെ ഉറക്കെ നമ്മുടെ വാക്കുകള് വിളിച്ചു പറയണം എന്ന് തന്നെ ആണ് ഞാന് വിശ്വസിക്കുന്നത്…അത് എന്നും തുടര്ന്ന് കൊണ്ടിരിക്കും.”-ഷെയ്ന് നിഗം പറഞ്ഞു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
