പത്തനംതിട്ട: 9 – മത് പത്തനംതിട്ട ജില്ലാ കളരിപ്പയറ്റ് ചാമ്പ്യൻഷിപ്പ് ആറന്മുള ശ്രീ വിനായക ഓഡിറ്റോറിയത്തിൽ വെച്ച് നടന്നു. ചാമ്പ്യൻഷിപ്പ് സ്പോർട്സ് കൗൺസിൽ പ്രസിഡണ്ട് കെ അനിൽ കുമാർ ഉദ്ഘാടനം ചെയ്തു. കളരിപ്പയറ്റ് അസ്സോസിയേഷൻ സംസ്ഥാന വൈസ് പ്രസിഡന്റ് ഡോ. പി എ ജോയി ഗുരുക്കള് അധ്യക്ഷത വഹിച്ചു.
ജില്ലാ കളരിപ്പയറ്റ് അസ്സോസിയേഷൻ സെക്രട്ടറി പിജി പ്രമോദ് സ്വാഗതവും അഭിലാഷ് ജി കുറുപ്പ് കൃതജ്ഞതയും പറഞ്ഞു. മല്ലപ്പുഴശ്ശേരി ഗ്രാമ പഞ്ചായത്തു മെമ്പർ എസ് ശ്രീലേഖ, അമൃത സോമരാജ്, ഗിജിൻ ലാൽ ജി , ദിനേശ് കുമാർ, വിനോദ് പുളിമൂട്ടിൽ എന്നിവർ പ്രസംഗിച്ചു. ഇലന്തൂർ മല്ലപ്പുഴശ്ശേരി ബ്ലോക്ക് പഞ്ചായത്തു മെമ്പർ ജി ജി ചെറിയാൻ മാത്യു സമ്മാനദാനം നിർവഹിച്ചു.
