മുംബൈ : ബോളിവുഡ് സിനിമാപ്രവര്ത്തകര് തുടര്ച്ചയായി തനിക്കെതിരേ കേസുകള് നല്കുന്നത് കൊണ്ട് സിനിമാ നിരൂപണം അവസാനിപ്പിച്ച് ബോളിവുഡിലെ വിവാദ നിരൂപകനായ കമാല് ആര് ഖാന്. ബോളിവുഡിലെ ഏറ്റവും വലിയ നിരൂപകനാക്കി മാറ്റിയതിനും തന്റെ വാക്കുകള് വിശ്വസിച്ചതിനും നന്ദി പറയുന്നുവെന്ന് കമാല് ആര് ഖാന് കുറിച്ചു.
ലൈംഗികാതിക്രമ പരാതിയിലും വിദ്വേഷ പ്രചരണം നടത്തിയ കേസിലും അറസ്റ്റിലായ കെ.ആര്.കെ ഈ അടുത്താണ് ജാമ്യത്തിനിറങ്ങിയത്. മുംബൈ വെര്സോവ പോലീസാണ് കെ.ആര്.കെയെ അറസ്റ്റ് ചെയ്തത്. 2019-ലാണ് കേസിനാസ്പദമായ സംഭവം. 2021 ലാണ് ഇയാള്ക്കെതിരേ പരാതി നല്കുന്നതും കേസ് രജിസ്റ്റര് ചെയ്തതും. യുവനടിയും മോഡലും ഫിറ്റ്നസ് പരിശീലകയുമായ യുവതിയാണ് പരാതിക്കാരി.
