ഭോപ്പാല്: ബിജെപി വനിതാ സ്ഥാനാര്ത്ഥിക്കെതിരായ പരാമര്ശത്തില് ഖേദം പ്രകടിപ്പിച്ചു കോണ്ഗ്രസ് നേതാവും മധ്യപ്രദേശ് മുന് മുഖ്യമന്ത്രിയുമായ കമല്നാഥ്. ആര്ക്കെങ്കിലും തന്റെ പരാമര്ശം അവഹേളനമായി തോന്നിയെങ്കില് ഖേദം പ്രകടിപ്പിക്കുന്നുവെന്ന് അദ്ദേഹം പറഞ്ഞു.
ബിജെപി സ്ഥാനാര്ത്ഥിയായ ഇമര്തി ദേവിയെ ഐറ്റം എന്ന് വിശേഷിപ്പിച്ച കമല്നാഥിന്റെ പരാമര്ശം പ്രതിഷേധങ്ങള്ക്കു വഴിവെച്ചിരുന്നു. നവംബറില് നടക്കാനിരിക്കുന്ന ഉപതെരഞ്ഞെടുപ്പിന്റെ പ്രചാരണത്തിനിടെയായിരുന്നു കമല്നാഥിന്റെ പരാമര്ശം. ഞാനെന്തിന് അവരുടെ പേര് പറയണം? നിങ്ങള്ക്ക് എല്ലാവര്ക്കും അവരെ നന്നായി അറിയാമല്ലോ. എന്തൊരു ഐറ്റമാണ് അത്- എന്നായിരുന്നു കമല്നാഥിന്റെ പരാമര്ശം. ഇതിനിടെ പരിപാടിയില് പങ്കെടുക്കാനെത്തിയ പ്രവര്ത്തകര് ഇമര്തി ദേവി എന്ന് വിളിച്ചു പറയുകയും ചെയ്തിരുന്നു.
