കോന്നി : പാടം ഫോറസ്റ്റ് സ്റ്റേഷൻ പരിധിയിലെ കമ്പകത്തുംപച്ച വനസംരക്ഷണ സമിതിയുടെ ആഭിമുഖ്യത്തിൽ പോത്തുപാറ എസ് കെ വി എൽ പി സ്കൂളിൽ സംഘടിപ്പിച്ച കാട്ടുതീ പ്രതിരോധ ബോധവത്കരണ സെമിനാറിന്റെയും പ്ലാസ്റ്റിക് നിർമ്മാർജ്ജന യജ്ഞത്തിന്റെയും ഉദ്ഘാടനം ഗ്രാമപഞ്ചായത്തംഗം സന്ധ്യാ സുനിൽ നിർവ്വഹിച്ചു.
വനസംരക്ഷണ സമിതി പ്രസിഡന്റ് സുനീഷ് എസ് അദ്ധ്യക്ഷത വഹിച്ചു. പാടം ഫോറസ്റ്റ് സ്റ്റേഷൻ ഡെപ്യൂട്ടി റേഞ്ച് ഓഫീസർ അനിൽ ബേബി മുഖ്യ പ്രഭാഷണം നടത്തി. പുനലൂർ വർക്കിംഗ് പ്ലാൻ റെയ്ഞ്ച് ഫോറസ്റ്റ് ഓഫീസർ നിലീഫ് ബോധവത്കരണ സമിനാറിൽ ക്ലാസ് നയിച്ചു. സമിതി സെക്രട്ടറി വി എസ് ഗോപകുമാർ, സ്കൂൾ പ്രഥമാധ്യാപിക രജനി വി എസ്, അദ്ധ്യാപകൻ സജി ജോൺ, ജി വിനോദ് കുമാർ, ബീറ്റ് ഫോറസ്റ്റ് ഓഫീസർ കുമാരി, വൈസ് പ്രസിഡന്റ് അമ്പിളി സുകു തുടങ്ങിയവർ സംസാരിച്ചു. പരിപാടിയോടനുബന്ധിച്ച് വനസംരക്ഷണ സമിതിയംഗങ്ങൾ പോത്തുപാറ അതിരുങ്കൽ റോഡിന്റെ ഇരുവശവുമുള്ള പ്ലാസ്റ്റിക് ശേഖരിച്ച് കലഞ്ഞൂർ ഗ്രാമപഞ്ചായത്തിന് കൈമാറി.
