ന്യൂഡല്ഹി : രാജ്യതലസ്ഥാനത്തെ ഷഹീദ്-ഇ-അസം ഭഗത് സിംഗ് പാര്ക്കില് ഭഗത് സിംഗിന് പുഷ്പാര്ച്ചന നടത്തി രാഹുല്ഗാന്ധിയോടൊപ്പം കോണ്ഗ്രസിലേക്ക് കൈ പിടിച്ച് കയറി മുന് സിപിഐ നേതാവ് കനയ്യ കുമാറും ഗുജറാത്തില് നിന്നുളള സ്വതന്ത്ര എംഎല്എയും ദളിത് നേതാവുമായ ജിഗ്നേഷ് മേവാനിയും. ശേഷം എഐസിസി ആസ്ഥാനത്തെത്തിയ ഇരുവരെയും പാര്ട്ടിയിലേക്ക് സംഘടനാ ചുതലയുളള എഐസിസി സെക്രട്ടറി കെ.സി വേണുഗോപാല്, കോണ്ഗ്രസ് വക്താവ് രണ്ദീപ് സിംഗ് സുര്ഛേവാല എന്നിവര് ചേര്ന്ന് സ്വാഗതം ചെയ്തു.
കോണ്ഗ്രസിലേക്ക് സ്വാഗതം ചെയ്തവര്ക്ക് നന്ദിയുണ്ടെന്ന് പറഞ്ഞ കനയ്യ കുമാര് കോണ്ഗ്രസിനല്ലാതെ മറ്റൊരു പാര്ട്ടിക്കും പ്രതിപക്ഷത്തെ നയിക്കാനാകില്ലെന്ന് അഭിപ്രായപ്പെട്ടു. ഭഗത്സിംഗിന്റെ രക്തസാക്ഷിത്വ ദിനമായ ഇന്ന് ചരിത്ര ദിനമാണ്. കോണ്ഗ്രസ് ഭഗത് സിംഗിന്റെ ധൈര്യം ഉയര്ത്തിപ്പിടിത്തുന്ന പാര്ട്ടിയാണെന്ന് കനയ്യ കുമാര് പറഞ്ഞു.
ഗാന്ധിജിയുടെ സ്വപ്നവും അംബേദ്കറുടെ മൂല്യങ്ങളുമാണ് കോണ്ഗ്രസിന്റെ അടിസ്ഥാനമെന്നും കനയ്യ പറഞ്ഞു. കനയ്യയുടെത് കമ്മ്യൂണിസ്റ്റ് ആശയങ്ങളോടുളള വഞ്ചനയാണെന്ന് സിപിഐ ജനറല് സെക്രട്ടറി ഡി.രാജ പറഞ്ഞു. ആളുകള് വരികയും വഞ്ചിച്ച് പോകുകയും ചെയ്യുന്നു. വ്യക്തിപരമായ പേരിലായിരുന്നു കനയ്യയുടെ രാജിയെന്നും രാജ അറിയിച്ചു.
