മാവേലിക്കര : ജന്മനാ കൈകളില്ലാത്ത മാവേലിക്കര സ്വദേശിനി ശാരീരിക പരിമിതികള് മറികടന്ന് ബിരുദ പരീക്ഷയില് ഒന്നാംറാങ്ക് നേടി. അറുന്നൂറ്റിമംഗലം അഷ്ടപദിയില് എസ്.കണ്മണി കേരള സര്വകലാശാല ബിപിഎ (വോക്കല്) പരീക്ഷയിലാണ് ഒന്നാം റാങ്ക് നേടിയത്. തിരുവനന്തപുരം സ്വാതി തിരുനാള് ഗവ.സംഗീത കോളജ് വിദ്യാര്ത്ഥിനിയായ കണ്മണിക്കു സംഗീതത്തില് ബിരുദാനന്തര ബിരുദം നേടാനാണ് ആഗ്രഹം. ഇതിന് മുമ്പും കണ്മണി എന്ന പേര് മാധ്യമങ്ങളില് ഇടം നേടിയിട്ടുണ്ട്. തിരുവനന്തപുരം സ്വാതി തിരുനാള് ഗവ.സംഗീത കോളജ് വിദ്യാര്ത്ഥിനിയാണ് കണ്മണി.
കൈകളില്ലാതെയായിരുന്നു കണ്മണിയുടെ ജനനം. കാലു കൊണ്ട് ചിത്രം വരച്ചാണ് തന്റെ പരിമിതിയെ ചിരിയോടെ നേരിട്ടത്. സംഗീതക്കച്ചേരികള് അവതരിപ്പിച്ചും കണ്മണി ശ്രദ്ധ നേടി. 2019ല് സര്ഗാത്മക മികവിനുള്ള കേന്ദ്ര സാമൂഹിക നീതി മന്ത്രാലയത്തിന്റെ പുരസ്കാരവും കണ്മണിക്ക് ലഭിച്ചു. തന്റെ വിജയത്തിന് പിന്നില് മാതാപിതാക്കളും സഹോദരനുമാണെന്ന് കണ്മണി പറയുന്നു. തന്റെ വിജയം ഫേസ്ബുക്ക് കുറിപ്പില് കണ്മണി പങ്കുവെച്ചിരുന്നു. കാലു കൊണ്ട് വരച്ച ചിത്രങ്ങള്ക്ക് നിരവധി സമ്മാനങ്ങളാണ് കണ്മണി നേടിയത്. ഇപ്പോഴും സംഗീത കച്ചേരി അവതരിപ്പിക്കുന്നുണ്ട്. സംഗീതത്തില് ബിരുദാനന്തര ബിരുദം നേടാനാണ് ആഗ്രഹം. ജി.ശശികുമാറും രേഖയുമാണു കണ്മണിയുടെ മാതാപിതാക്കള്. സഹോദരന് – മണികണ്ഠന്.
