തിരുവനന്തപുരം: ലോകത്തെ ബ്രിഹത്തായ യുവജന സംഘടനയായ ജെസിഐ ഇന്ത്യയിലെ (JCI INDIA)ഈ വര്‍ഷത്തെ കര്‍മ്മ ശ്രോഷ്ഠാ പുരസ്കാരത്തിന് കോന്നി എംല്‍എ അഡ്വ.കെ യു.ജനീഷ് കുമാര്‍ അര്‍ഹനായി. കഴിഞ്ഞ 7 വര്‍ഷമായി സേവന സന്നദ്ധ കര്‍മമമേഖലയില്‍ നിസ്തുലമായി പ്രവര്‍ത്തിക്കുന്നവര്‍ക്കാണ് അവാര്‍ഡ്.
കോന്നി മണ്ഡലത്തില്‍ ടൂറിസം, ആരോഗ്യം, വിദ്യാഭാസം,പൊതുമരാമത്ത് ദുരിതാശ്വസം കോവിഡ് പ്രതിരോധ പ്രവര്‍ത്തനങ്ങള്‍, യുവജനക്ഷേമ പ്രവര്‍ത്തനങ്ങള്‍, കലാകായിക മേഖലയില്‍ ചെയ്ത സേവനങ്ങള്‍ എന്നിങ്ങനെ 2 വര്‍ഷം കൊണ്ട് നടത്തിയ പ്രവര്‍ത്തനങ്ങളെ മാനിച്ച്‌ കൊണ്ടാണ് മേഖല 22 ഈ അവാര്‍ഡ് നിര്‍ണ്ണയിക്കുന്നത്. കോട്ടയത്ത് നടന്ന അവാര്‍ഡ് പ്രഖ്യാപനത്തില്‍ മേഖല 22 പ്രസിഡന്‍‌റ് മനു ജോര്‍ജ് അവാര്‍ഡ് പ്രഖ്യാപിച്ചു. യുത്ത് ഐക്കണ്‍ അവാര്‍ഡിന് മുന്‍ ഇന്ത്യന്‍ ബാസ്കാറ്റ്ബോള്‍ ക്യാപ്റ്റന്‍ ഗീതു അന്ന രാഹുല്‍ അര്‍ഹയായി.
