ബെംഗളൂരു: കോണ്ഗ്രസ് നേതാവ് രാഹുല് ഗാന്ധി, മുഖ്യമന്ത്രി സിദ്ധരാമയ്യ, ഉപമുഖ്യമന്ത്രി ഡി കെ ശിവകുമാര്, കര്ണാടക പ്രദേശ് കോണ്ഗ്രസ് കമ്മിറ്റി (കെപിസിസി) എന്നിവര്ക്കെതിരെ ബിജെപി അഡീഷണല് ചീഫ് മെട്രോപൊളിറ്റന് മജിസ്ട്രേറ്റ് കോടതിയില് മാനനഷ്ട പരാതി നല്കി. കേസില് രാഹുലിനും സിദ്ധരാമയ്യയ്ക്കും ഡി കെ ശിവകുമാറിനും സമന്സ് അയച്ചു. ബിജെപി സംസ്ഥാനസെക്രട്ടറി എസ് കേശവ് പ്രസാദ് ആണ് കേസ് ഫയല് ചെയ്തത്.
ജൂലൈ 27-നുള്ളിൽ സത്യവാങ്മൂലം നൽകുകയോ ഹാജരാകുകയോ ചെയ്യണമെന്നാവശ്യപ്പെട്ടാണ് സമൻസ്. കോണ്ഗ്രസ് പ്രചാരണ ഗാനങ്ങളിലും വീഡിയോകളിലുമുള്ളത് വ്യാജ ആരോപണങ്ങളെന്നാരോപിച്ചാണ് കേസ്. ബിജെപിയുടെ പ്രതിച്ഛായ മോശമാക്കുന്ന തരത്തില് പരസ്യങ്ങളില് തെറ്റായ അവകാശവാദങ്ങള് ഉന്നയിച്ചുവെന്ന സ്വകാര്യ പരാതി പാര്ട്ടി സംസ്ഥാന സെക്രട്ടറി എസ് കേശവപ്രസാദ് മെയ് 9ന് സമര്പ്പിച്ചിരുന്നു.
