കൊച്ചി : തൃക്കാക്കര കരുണാലയം കന്യാസ്ത്രീ മഠത്തില് മരിച്ച അന്തേവാസിയായ രോഗിക്ക് കൊവിഡ് സ്ഥിരീകരിച്ചു. ആനി ആന്റണി (76)നാണ് കൊവിഡ് സ്ഥിരീകരിച്ചത്. കടുത്ത പ്രമേഹരോഗിയായ ഇവര് കാല്മുറിച്ചുമാറ്റിയതിനെ തുടര്ന്ന് കിടപ്പ് രോഗിയായിരുന്നു. ഇന്നലെ ഇവര്ക്ക് ആന്റിജന് പരിശോധന നടത്തിയിരുന്നു. ഇതിന്റെ ഫലം പോസിറ്റീവ് ആണെന്ന് ജില്ലാ ആരോഗ്യ വിഭാഗം വ്യക്തമാക്കി.
കരുണാലയത്തിലെ മൂന്ന് കന്യാസ്ത്രീകള്ക്ക് നേരത്തെ കൊവിഡ് സ്ഥിരീകരിച്ചതോടെ ഇവിടം കൊവിഡ് ക്ലോസ് ക്ലസ്റ്റര് ആയി മാറ്റിയിരുന്നു. ഇവിടെ കന്യാസ്ത്രീകള്ക്കും അന്തേവാസികള്ക്കുമായി 44 ഓളം പേര്ക്ക് കൊവിഡ് സ്ഥിരീകരിച്ചിരുന്നു. 120 ഓളം അന്തേവാസികള് ഇവിടെയുണ്ട്.
ജില്ലയില് 66 കന്യാസ്ത്രീകള്ക്കാണ് കൊവിഡ് ബാധിച്ചത്. വിവിധ ആശുപത്രികളില് ആതുരസേവനത്തില് ഏര്പ്പെട്ടിരിക്കുന്നവരാണിവര്. കഴിഞ്ഞ ദിവസം വൈപ്പിനില് ഒരു കന്യാസ്ത്രീ കൊവിഡ് ബാധിച്ച് മരിച്ചിരുന്നു.
