തിരുവല്ല : രാഷ്ട്രീയ – സാമൂഹ്യ മേഖലയിൽ കാരുണ്യത്തിന്റെ കൈയ്യെപ്പ് പതിപ്പിച്ച നേതാവായിരുന്നു കെ. എം. മാണി എന്ന് കേരളാ കൗൺസിൽ ഓഫ് ചർച്ച്സ് വൈസ് പ്രസിഡന്റ് അഭി. ഡോ. അലക്സിയോസ് മാർ യൗസേബിയോസ് മെത്രാപ്പോലീത്ത പറഞ്ഞു. കേരളാ യൂത്ത് ഫ്രണ്ട് (എം) ജില്ലാ കമ്മറ്റി സംഘടിപ്പിച്ച കാരുണ്യ സ്മൃതി സംഗമം കടമാൻകുളം ബഥനി ദിവ്യകാരുണ്യാലയത്തിൽ ഉദ്ഘാടനം ചെയ്യുകയായിരുന്നു അദ്ദേഹം.
ജില്ലാ പ്രസിഡന്റ് ജേക്കബ് മാമ്മൻ വട്ടശ്ശേരിയിൽ അദ്ധ്യക്ഷത വഹിച്ചു. കേരളാ കോൺഗ്രസ് ജില്ലാ സെക്രട്ടറി ജോ ഇലഞ്ഞിമൂട്ടിൽ, കേരളാ യൂത്ത് ഫ്രണ്ട് സംസ്ഥാന വൈസ് പ്രസിഡന്റ് അഡ്വ. ദീപക് മാമ്മൻ മത്തായി, ജനറൽ സെക്രട്ടറി ജോജി പി. തോമസ്, ട്രഷറാർ അഡ്വ. സന്തോഷ് തോമസ്, ബെന്നി കറ്റോട്, നിയോജക മണ്ഡലം പ്രസിഡന്റ് ചാൾസ് ചാമത്തിൽ, മനോജ് മഠത്തുമൂട്ടിൽ, നെബു തങ്ങളത്തിൽ, മാത്യു സി. എബ്രഹാം എന്നിവർ പ്രസംഗിച്ചു.
