തൃശൂര് : കരുവന്നൂര് സഹകരണ ബാങ്ക് വായ്പ തട്ടിപ്പുകേസിലെ പിടികിട്ടാപ്പുള്ളി കിരണ് അറസ്റ്റില്. തൃശൂര് മാപ്രാണം സ്വദേശിയാണ്. ക്രൈംബ്രാഞ്ച് അന്വേഷണം തുടങ്ങിയതോടെ നാടുവിട്ടതായിരുന്നു. വിവിധ സംസ്ഥാനങ്ങളില് ചുറ്റിക്കറങ്ങിയ ശേഷം കേരളത്തിലേക്ക് കടന്നപ്പോഴായിരുന്നു അറസ്റ്റ്. പാലക്കാട് ജില്ലയില് നിന്നാണ് കിരണിനെ പിടികൂടിയതെന്ന് ക്രൈംബ്രാഞ്ച് പറഞ്ഞു. ബാങ്കിലെ കമ്മീഷന് ഏജന്റായിരുന്നു. ഇന്ന് കോടതിയില് ഹാജരാക്കും. പ്രധാന പ്രതികളെല്ലാം ഇതോടെ അറസ്റ്റിലായി. ഇനി ഭരണസമിതിയിലെ ചിലരെ മാത്രമാണ് പിടികൂടാനുള്ളത്.
