തൃശ്ശൂര് : കരുവന്നൂര് വായ്പാ തട്ടിപ്പില് സി.ബി.ഐ അന്വേഷണം വേണമെന്ന് പ്രതിപക്ഷ നേതാവ് വി.ഡി സതീശന്. ക്രൈംബ്രാഞ്ച് അന്വേഷണത്തില് കാര്യമില്ലെന്നും അദ്ദേഹം പറഞ്ഞു. തട്ടിപ്പില് പ്രതികളെക്കുറിച്ച് അവ്യക്തതയുണ്ടെന്നും പിടികൂടിയോ ഇല്ലയോ എന്ന് വ്യക്തമാക്കണെന്നും വി.ഡി സതീശന് ആവശ്യപ്പെട്ടു. സംഭവത്തില് സി.പി.എം ഉത്തരവാദിത്തം പറയണം. സര്ക്കാര് സഹകരണ മേഖലയില് പുതിയ നിയമ നിര്മാണം നടത്തണമെന്നും അദ്ദേഹം ആവശ്യപ്പെട്ടു.
സംസ്ഥാനത്തെ നിയന്ത്രണങ്ങള്ക്കെതിരെയും അദ്ദേഹം പ്രതികരിച്ചു. ടി.പി.ആര് നോക്കി ലോക്ക്ഡൗണ് ചെയ്യുന്നത് ശാസ്ത്രീയമല്ല. ഇത് പ്രതിപക്ഷവും വിദഗ്ധരും നേരത്തേ ചൂണ്ടിക്കാട്ടിയതാണ്. ലോക്ക്ഡൗണ് മൂലം സംസ്ഥാനത്തെ സാമ്പത്തിക സ്ഥിതി താറുമാറായി. സര്ക്കാര് പാക്കേജുകള് പ്രഖ്യാപിക്കുന്നുണ്ടെങ്കിലും പണം മാറ്റിവയ്ക്കുന്നില്ലെന്നും വി.ഡി സതീശന് കുറ്റപ്പെടുത്തി. കേരളത്തിലെ ധനകാര്യ സ്ഥാപനങ്ങള് റിക്കവറി നടപടികള് നര്ത്തി വെക്കണമെന്നും സതീശന് പറഞ്ഞു.
