ശ്രീനഗര് : ജമ്മു കശ്മീരിലെ തീവ്രവാദസംഘടനകള് 14 വയസ്സുള്ള കുട്ടികളെയടക്കം ഭീകരപ്രവര്ത്തനങ്ങള്ക്ക് ഉപയോഗിക്കുന്നുണ്ടെന്ന് അമേരിക്ക. ‘ട്രാഫിക്കിങ് ഇന് പേഴ്സണ്സ് റിപ്പോര്ട്ട് 2019″ എന്ന പ്രതിരോധ റിപ്പോര്ട്ടിലാണ് ഇക്കാര്യം വിശദമാക്കിയിരിക്കുന്നത്. 12 വയസ്സുള്ള കുട്ടികളെവരെ നിര്ബന്ധിച്ച് മാവോയിസ്റ്റ് ആക്കുന്നുണ്ടെന്നാണ് ഈ റിപ്പോര്ട്ട് വ്യക്തമാക്കുന്നത്. കുട്ടികളെ ചാവേറുകളായി മാറ്റുന്നുണ്ടെന്ന ഞെട്ടിപ്പിക്കുന്ന വിവരങ്ങളും റിപ്പോര്ട്ടിലുണ്ട്. ഇന്ത്യയിലെ ചത്തീസ്ഗഡിലും കശ്മീരിലും ഝാര്ഖണ്ഡിലുമുള്ള വിഘടനവാദികളാണ് ഭീകരപ്രവര്ത്തനങ്ങള്ക്ക് കുട്ടി തീവ്രവാദികളെ കൂടുതായി ഉപയോഗിക്കുന്നത്.
തീവ്രവാദ പ്രവര്ത്തനങ്ങള്ക്ക് ഉപയോഗിക്കുന്നതിനു വന് മനുഷ്യക്കടത്ത് നടക്കുന്നുണ്ടെന്നാണ് ഈ റിപ്പോര്ട്ടുകളെല്ലാം സൂചിപ്പിക്കുന്നത്. പൊതുസ്ഥലങ്ങളില് നിന്നു കുട്ടികളെ തട്ടിക്കൊണ്ടു പോവുന്നുണ്ടെന്നും സെക്സ് ട്രാഫിക്കിങ്ങിനുവരെ ഇരയാക്കുന്നുണ്ടെന്നാണ് ഇപ്പോള് ലഭിച്ചിട്ടുള്ള വിവരം. ലഭ്യമായ റിപ്പോര്ട്ടുകളെ അടിസ്ഥാനമാക്കി സംഭവത്തില് സിബിഐയുടെ അന്വേഷണം പുരോഗമിക്കുകയാണ്.
