ഡല്ഹി : കര്ഷക റാലിയെ അടിച്ചര്ത്തിയ ഡല്ഹി പൊലീസ് നടപടിയെ വിമര്ശിച്ച് കെ. സി വേണുഗോപാല്. ഓരോ ഇന്ത്യക്കാരന്റെയും ആത്മാവ് വേദനിച്ച ദിനമാണ് ഇന്നെന്ന് കെ. സി വേണുഗോപാല് പറഞ്ഞു. കര്ഷകര്ക്കെതിരെ നടന്ന ആക്രമണങ്ങള്ക്ക് കേന്ദ്രസര്ക്കാര് മാത്രമാണ് ഉത്തരവാദി. പാര്ലമെന്റില് വിഷയം ഉന്നയിക്കുമെന്നും കെ. സി വേണുഗോപാല് പറഞ്ഞു.
ജയ് ജവാന്, ജയ് കിസാന് എന്ന് വിളിക്കുന്ന നാട്ടില് റിപ്പബ്ലിക് ദിനത്തില് കര്ഷകര്ക്ക് കൊടുക്കേണ്ട സമ്മാനമാണോ ഇതെന്ന് വേണുഗോപാല് ചോദിച്ചു. ലോകത്തിന്റെ മുന്നില് രാജ്യം നാണംകെട്ടു. ഇനിയെങ്കിലും നടപടി സ്വീകരിക്കാന് കേന്ദ്രസര്ക്കാര് തയ്യാറാകണം. വിവാദ നിയമങ്ങള് കേന്ദ്രസര്ക്കാര് പിന്വലിക്കണം. കര്ഷകര്ക്ക് നീതി ലഭിക്കണമെന്നും കെ. സി വേണുഗോപാല് കൂട്ടിച്ചേര്ത്തു.
