ന്യൂഡല്ഹി : കൊറോണ രോഗവ്യാപനത്തെ തുടര്ന്ന് രണ്ട് വര്ഷത്തോളമായി തീര്ത്ഥാടകരെത്താതിരുന്ന കേദാര്നാഥ് ഇന്ന് ജനനിബിഢമാണ്. ഇക്കുറി തീര്ത്ഥാടകരുടെ എണ്ണത്തില് റെക്കോര്ഡ് വര്ധനവാണ് രേഖപ്പെടുത്തിയിരിക്കുന്നത്. യാത്രയുടെ ചരിത്രത്തിലാദ്യമായി 15 ലക്ഷത്തിലധികം ഭക്തരാണ് ഇതുവരെ ശിവഭഗവാനെ ദര്ശിക്കാനെത്തിയത്. യാത്ര അവസാനിക്കാന് ഇനിയും ദിവസങ്ങള് ബാക്കിയുണ്ട്.
മഴയ്ക്കും മഞ്ഞുവീഴ്ചയ്ക്കും ശേഷം ഇപ്പോള് കേദാര്നാഥില് തെളിഞ്ഞ കാലാവസ്ഥയാണ്. രാവിലെ മുതല് വൈകുന്നേരം വരെ തിളങ്ങുന്ന സൂര്യപ്രകാശം ഇവിടെ ദര്ശിക്കാം. മഞ്ഞുമൂടിയ കുന്നുകള് സൂര്യപ്രഭയില് ശോഭിക്കുന്നു. കാല്നടയാത്രയ്ക്കൊപ്പം ഹെലികോപ്റ്റര് യാത്രയും കൃത്യമായി നടക്കുന്നുണ്ട്. ദര്ശനത്തിനായി ഭക്തരിടെ നീണ്ട നിരയാണ്. വൈകീട്ട് ആരതി നടക്കുമ്പോള് ക്ഷേത്രപരിസരത്ത് ഭക്തജനപ്രവാഹം ദര്ശിക്കാനാകും. ഭക്തജനങ്ങളുടെ സൗകര്യത്തിനായി ഭരണകൂടവും പോലീസും ശ്രദ്ധിക്കുന്നുണ്ട്.
കേദാര്നാഥ് റോപ്വേ പദ്ധതിക്ക് അനുമതി ലഭിച്ചു
ഒക്ടോബര് 27 ന് കേദാര്നാഥ് യാത്ര അവസാനിക്കും. ഭാവിയില് ഇവിടെയെത്തുന്നവരുടെ എണ്ണം വര്ധിക്കുമെന്നാണ് പ്രതീക്ഷിക്കുന്നത്. കാരണം ഇവിടെ റോപ്പ് വേയുടെ സൗകര്യവും യാത്രക്കാര്ക്ക് ലഭ്യമാകും. പ്രധാനമന്ത്രി നരേന്ദ്ര മോദിയുടെ സ്വപ്ന പദ്ധതിയായ കേദാര്നാഥ് റോപ്വേയ്ക്ക് ദേശീയ വന്യജീവി ബോര്ഡിന്റെ അംഗീകാരം ലഭിച്ചു. കേന്ദ്രസര്ക്കാരിന്റെ പര്വതനിര പദ്ധതിയില് ഉള്പ്പെടുത്തിയാണ് നിര്മാണം.
8 മണിക്കൂര് ദൂരം 30 മിനിറ്റില് പൂര്ത്തിയാക്കും
റോപ്പ് വേ സൗകര്യം യാത്രക്കാര്ക്ക് അനുഗ്രഹമാകും. കാരണം ഇതോടെ സോന്പ്രയാഗിലേയും കേദാര്നാഥിലേയും ദൂരം വെറും 30 മിനിറ്റായി ചുരുങ്ങും. നിലവില് യാത്രയ്ക്ക് ഏകദേശം 8 മണിക്കൂര് എടുക്കും.
