പത്തനംതിട്ട : പന്നിവിഴ സന്തോഷ് വായനശാലയുടെ ആഭിമുഖ്യത്തിൽ കേരളപ്പിറവി ദിനാചരണവും ലഹരിവിരുദ്ധ മനുഷ്യശൃംഖലയും സംഘടിപ്പിച്ചു. വായനശാല പ്രസിഡന്റ് വി.എൻ മോഹൻദാസിന്റെ അധ്യക്ഷതയിൽ നടന്ന യോഗത്തിൽ വിമുക്തി ക്ലബ്ബ് പ്രസിഡന്റ് വിനോദ് വാസുകുറപ്പ് ലഹരി വിരുദ്ധ പ്രതിജ്ഞ ചെല്ലിക്കൊടുത്തു. പി.എസ്. ഗിരീഷ് കുമാർ മുഖ്യ സന്ദേശം നൽകി. പി.എൻ കൃഷ്ണൻകുട്ടി , ഓമന ശശിധരൻ , വി. മാധവൻ , എം. ജോസ് , വി.കെ സ്റ്റാൻലി , അലൻ അലക്സ് പത്തിശ്ശേരിൽ തുടങ്ങിയവർ പ്രസംഗിച്ചു.
